Хятадын кино театрууд баярын үеэр 51 тэрбум юанийн орлого олжээ

Хятадад уламжлалт Цагаан сар Хаврын баярын өдрүүдэд энэ улсын кино театруудын орлого 51 тэрбум юань буюу ойролцоогоор 790 сая долларт хүрчээ. 

Хаврын баярын өдрүүдэд Хятадын кино театруудын орлого сүүлийн жил гаруйн хугацаанд анх удаа ийнхүү огцом нэмэгджээ. Мэдээж хэрэг иргэдийг олон нийтийн газраар үйлчлүүлэхдээ зайлшгүй амны хаалт зүүхийг шаардаж байгаа ч иргэд гэртээ суулгүй, гадуур явж, олон нийтийн газраар үйлчлүүлж байна.

Хятадын Цагаан сар эхэлсэн 2-р сарын 11-ний өдрөөс хойшхи 7 хоногийн байдлаар кино театруудын бокс-офисын орлого 51 тэрбум юаньд хүрсэн байна. Ингэхдээ Хятадын уламжлалт Цагаан сарын баярын эхний 3 өдрийн байдлаар нийтдээ тэрбум юань буюу ойролцоогоор 155 сая долларын ашиг орлоготой ажиллажээ. Тэгвэл Бийкон платформын мэдээллээр Хятадын кино театрууд Хаврын баярын эхний өдөр 1,7 тэрбум юань буюу 260 сая долларын ашиг олсон нь бокс-офисын дэлхийн дээд амжилтыг эвдсэн байна.

Ингэхдээ кино театруудад гарсан кинонуудаас “Чайнатаун-3” детектив кино, “Ээж ээ, сайн уу?” кино, мөн “Зохиолчийн Одиссей” гэсэн Хятадын уран бүтээлчдийн гурван кино хамгийн өндөр ашиг орлоготой байжээ.