Япон улс “Токио-2020” Олимпийн наадмын галт бамбарыг аялуулах үйл явцыг хойшлуулж, эсвэл бүр цуцалж болзошгүй байна. Энэ талаар Японы Симанэ мужийн амбан захирагч Маруяма Тацуя мэдэгджээ.

Түүний мэдэгдсэнээр хэрвээ цар тахлын халдварын нөхцөл байдал дээрдэж, дэгдэлт багасахгүй бол магадгүй Олимпийн бамбарын аялалыг цуцлах болно гэжээ. Түүнчлэн тэрээр ирэх зун гэхэд коронавирусыг дарж чадахгүй бол Олимпийн наадам зохион байгуулах нь ихэд эрсдэлтэй алхам болно гэдгийг ч хэлжээ.

“Токио-2020” Олимпийн наадмын галт бамбарыг ирэх 3-р сарын 25-наас эхлэн Японы хойд хэсгийн Фукушима мужаас эхлэн нийт 47 мужийн нутгаар 121 хоног аялуулахаар төлөвлөөд байгаа юм.

Симанэ мужийн нутгаар Олимпийн галт бамбар 5-р сарын 15,16-ны өдрүүдэд дайрч өнгөрөх ёстой ч энэ мужийн эрх баригчид Олимпийн бамбарыг цар тахлын нөхцөл байдал сайжрахгүй бол хүлээн авахаас татгалзах болно гэжээ.