Цар тахлын халдвараас урьдчилан сэргийлэх арга бол хүн хоорондын зай барих, амны хаалт тогтмол зүүх, гараа сайтар ариутгах зэрэг билээ. Гэтэл зарим иргэд хүнсний дэлгүүрээр үйлчлүүлэхдээ хүн хоорондын зай барихгүй байх зөрчил гарч байгааг албаныхан хэлж байна. Тиймээс тухайн байгууллагын зүгээс иргэдэд шаардлага тавих хөтөч ажиллуулах хэрэгтэй байна гэлээ. 

Дэлхийн эрүүл мэндийн судалгаагаар хоёр хүний нэг нь шинж тэмдэггүй өвчилж байна гэдгийг тогтоожээ. Тиймээс иргэдийг халдвар хамгааллын дэглэмээ сайтар сахих хэрэгтэй байгааг хэлж байна. Учир нь нийслэл хот цар тахлын халдварын идэвхтэй голомт хэвээр байгааг санууллаа. 

Д.НАРАНГЭРЭЛ:  ДЭЛГҮҮРЭЭР ҮЙЛЧЛҮҮЛЭХДЭЭ ОЛОН БАРААНД ХҮРЭХГҮЙ БАЙХ, ЗАЙ БАРИХ, НИМГЭН БЭЭЛИЙ ӨМСӨХ ХЭРЭГТЭЙ   

Агааржуулалт муутай, битүү орчинд вирус илүү удаан тогтож, халдварладаг гэдгийг албаныхан хэлж байна. Тиймээс гэр орон, албан байгууллагадаа цаг тутамд агаар сэлгэлт хийж байхыг зөвлөж байна. Мөн дэлгүүрээр үйлчлүүлэхдээ амны хаалтаа зүүж, хүн хоорондын зай барьж, нимгэн бээлий өмсөн бэлэн мөнгөөр бус картаар төлбөрөө төлөхийг зөвлөлөө.