AFP

Баасан гарагт Жонс Хопкинсын Их сургуулийн гаргасан мэдээллээр, БНХАУ-ын Уханьд анхны тохиолдол бүртгэгдснээс хойш дэлхийн хэмжээнд Ковид-19 халдварын улмаас нас барсан хүний тоо 2 сая давлаа.

НҮБ-ын ЕНБД Антониу Гутерреш хэвлэлийнхэнд өгсөн мэдэгдэлдээ 

"Энэ аймшигтай тооны ард буй нэрс, нүүр царай, инээмсэглэл нь одоо зөвхөн дурсамж л боллоо. Хоолны ширээний ард үүрд хоосон суудал, хайртай бүхний чимээгүй байдлаар солигдсон өрөө.." гэжээ.

Гутерреш мөн "Дэлхий дахин нэгдмэл хүчин чармайлтад хүрч чадаагүйн улмаас нас баралт нэмэгдэхэд нөлөөлсөн. Хэдий шинжлэх ухаан амжилт гаргасан ч  эв санааны нэгдэл дутсан" гэжээ.

Хамгийн их нас баралттай, батлагдсан тохиолдлуудтай орнуудын жагсаалтад АНУ нэгд хэвээр байна. АНУ-д 23 сая гаруй халдвар бүртгэгдснээс 400 мянган хүн нас барсан.

Зарим мужид голомтод ажиллаж буй ажилтнууд, настай иргэдээ вакцинжуулалтад хамруулсан ч вакцины нөөц дууссан байна. 

Шинээр сонгогдсон Жо Байден 2 тэрбум ам.долларын цар тахлын үеийн Америкийг аврах төлөвлөгөөг зарласан. 

АНУ-ын өвчний хяналт, урьдчилан сэргийлэх төвүүдээс шинээр илэрсэн төрөл нь өндөр халдварын тархалтын эрсдэлтэй, АНУ-д ирэх 3 сард идэвхжих магадлалтай гэж анхааруулжээ. Иймд АНУ-ын эрүүл мэндийн албаныхан амны хаалт зүүх, нийгмийн зай барих зэрэг урьдчилан сэргийлэх хүчин чармайлт гаргахыг иргэддээ уриалж байна.

Пүрэв гарагт ДЭМБ-ын баг цар тахал анх дэгдсэн Уханьд мөрдөн шалгах үйл ажиллагаа явуулахаар ирээд байна

Хятад Улсын хувьд нас баралтын тоо 4600 гаруй байгаа нь тус орон хатуу чанга хөл хорио, тандалтын арга хэмжээний ачаар харьцангуй бага гэж үзэж байна.

Японд коронавирусний тохиолдол эрс нэмэгдэж байгаатай холбогдуулан тархалтыг зогсоохын тулд нэг долоо хоногийн өмнө өндөржүүлсэн бэлэн байдал зарлаад байна.

Өнгөрсөн сарын туршид бүртгэгдсэн халдварын тоо хоёр дахин нэмэгдэж батлагдсан тохиолдлын тоо нийт 317 мянга, нас баралт 4200 гаруйд хүрчээ.

Индонезид Баасан  гарагт шинээр хамгийн их буюу 12, 818 тохиолдол бүртгэгдсэн байна.

Унгар Улс Хятадын Синофарм вакциныг худалдан авахаар төлөвлөж байгаагаа мэдэгдсэн байна. Ингэснээр  Хятадын бүтээгдэхүүнийг худалдах авахаар болсон Европын анхны орон болж байна.

 

Эх сурвалж: VOANews.com