Үндсэн хуулийн цэцэд бүрэн эрхийнх нь хугацаа дууссан хоёр гишүүн байхад нэгийг нь чөлөөлөхөөр УИХ тогтоол оруулж ирж байгаа нь цэцийн гишүүний томилгоонд үзэмжээр хандаж байна гэх шүүмжлэлийг ерөнхийлөгч гаргасан. Улмаар цэцийн гишүүн Шарын Цогтоог чөлөөлж түүний оронд Ж.Эрдэнэбулганыг томилохоор оруулж ирсэн УИХ-ын тогтоолд хэсэгчлэн хориг тавьсан. Тэгвэл УИХ-ын хууль зүйн байнгын хорооны гишүүд хоригийг хүлээж авах боломжгүй хоёр үндэслэл байгааг хэлсэн юм.

УИХ ын хүний эрхийн дэд хороо цэргийн дэглэлтийн улмаас хүний эрх зөрчигдөж, эрүүл мэнд амь нас хохирч байгаа асуудлаар салбарын сайд, ЗХЖШ ын удирдлагууд болоод холбогдох албаны хүмүүсээс мэдээлэл авлаа. Гэвч ЗХЖШ ын дарга Д. Ганзориг болоод Батлан хамгаалахын сайд Г.Сайханбаяр нар гишүүдэд өгч байгаа тоон мэдээлэл зөрүүтэйн дээр авч байгаа арга хэмжээ дутмаг хандалага буруу байгааг гишүүд шүүмжиллээ.

МУ-ын Ерөнхийлөгчийн сонгуулийн тухай хуульд Улсын бүртгэлийн ерөнхий газар сонгогчдын нэрийн жагсаалтыг ээлжит сонгуулийн жилийн 04 дүгээр сарын 01-ний өдрөөс эхэлж, сонгууль дуустал өөрийн цахим хуудсанд байршуулна гэж заасан байдаг.

АН-ын даргын сонгуульд 74 мянган гишүүн оролцож, цаасаар саналаа өгсөн байна. Нийт санал өгсөн гишүүдийн 55 хувийн санал авч, О. Цогтгэрэл ялалт байгуулсныг дотоод сонгуулийн хорооноос албан ёсоор зарласан. Тиймээс Намын даргыг ёсчлон батлах хурлыг 4 дүгээр сарын 3-ны өдөр гэж зарлалаа. Энэ хуралд АН-ын 1,400 гишүүн оролцохоор болжээ.

1998 оноос хойш өнөөдрийг хүртэл эцэслэгдээгүй төр нийгмийн нэрт зүтгэлтэн С.Зориг агсны амийг хөнөөсөн хэргийн материалыг бүхэлд нь нууцаас гаргахаар шийдвэрлэсэн. Энэ талаар хууль зүйн сайд цахим хуудсандаа “Засгийн газрын хуралдаанаар С.Зориг агсны амь насыг хөнөөсөн хэргийн материал холбогдох бичлэгүүдийг бүхэлд нь нууцаас гаргахаар шийдвэрлэсэн” гэсэн юм. 

Халдварын тархалт огцом нэмэгдсэнтэй холбоотой шинжилгээ өгөх хүсэлтэй иргэд нэмэгджээ. Гэвч шинжилгээ өгөх хүсэлтэй хүн бүрт хийх оношилгооны боломж нөөц хомс байгаа тул иргэдийг багц байдлаар шинжилж байгааг хэллээ. Тухайлбал, нэг иргэнд PCR оношилгоо хийсэн бол түүний ойрын таван хүнийг сөрөг гэж дүгнэж байгааг ЭМЯ-аас хэлж байна. Халдвар их болсон үед оношилгооны ачаалал ихэссэнээр халдвартай хүмүүсийн ойрын хавьтлыг олж илрүүлэх хугацаа хойшлон цаг алдаж байна гэдгийг хэлж байна. Тиймээс иргэд ч шаардлагагүй тохиолдолд шинжилгээ өгөх гэж ачаалал нэмэхгүй байхыг хүслээ. Харин PCR шинжилгээгээр батлагдсан иргэний ойрын хавьтал болсон хүмүүст сайн чанарын түргэвчилсэн тестээр шинжилгээ авахаар болжээ.

Өчигдөр ихэнх аймгаар цасан шуурга хүчтэй шуурсны улмаас малдаа явсан зарим иргэн сураггүй болжээ.Тодруулбал, Өвөрхангай аймгийн Сант сумын Улаан-Овоо багийн “Сэкүл” гэдэг газар 2021.04.14-ний өдрийн 17:00 цагийн орчим малчин С малдаа явган яваад сураггүй алга болжээ.

2021/04/15 Улаанбаатар хот, Монгол Цар тахлын улмаас нэг жил хойшлогдоход хүрсэн Токио 2020 зуны Олимпийн наадмыг албан

ёсны онцгой эрхтэйгээр өргөн нэвтрүүлгийн 13 телевиз шууд дамжуулан хүргэхээр боллоо.

Өнгөрсөн жилийн 5-р сард татагдаж ирсэн цэргүүд 20-иод хоногийн дараа халагдах юм. Цэргийн алба хүнийг тэвчээр, хатуужилтай, зоригтой болгодог нь хамгийн сайхан гэж цэргүүд ярьж байна. Мөн хүндэт харуулын ангид хуваарьлагдсандаа баяртай байгаагаа ч онцолсон юм. Тэд хүндэтгэлийн арга хэмжээнд хөл нийлүүлэн алхахын тулд өдөр болгон бэлтгэл хийдэг байна. Сүүлийн үед цэргийн дэглэлттэй холбоотой олон асуудал яригдаж байгаа юм.

2019 онд дугаар цэргийн ангийн захирагч Э-ийн өгсөн үүргийн дагуу 17 цэрэг хөнжил гудсаа үүрэн хол замд удаан гүйснээс үүдэлтэй нэг цэрэг харамсалтайгаар амиа алдсан байна. Мөн зэвсэгт хүчний 310-р ангид элс ачсан "Зил 130" машинаас унаж улмаар тус машинд дайруулан дахин нэг цэрэг нас барсөн бол хилийн цэргийн 0168-р ангийн байлдагч А, Увс аймгийн Баруунтуруун сумын Хилийн цэргийн харуул нар харамсалтайгаар амиа алдсан байна.

Манай тамирчдын хувьд “Токио 2020” олимпийн наадамд оролцох 21 эрх аваад байгаа юм. Цаашид 35 эрх авах боломжтой байна. Тодруулбал чөлөөт бөх, жудо, хөнгөн атлетик, хүндийг өргөлт зэрэг нйаман төрлөөс 35 эрх авах боломжтой байна. Эдгээр эрхийг авснаар манай улс анх удаа 56 эрх буюу хамгийн олон тамирчид эх орноо төлөөлөн олимпод оролцож байгаа тохиолдол болох юм.