Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Улаанбаатар хотын гудамжид шилжүүлэн суулгасан шилмүүст модны ургалтын явцтай танилцлаа

  Б.Уянга 2017-10-13 963

Нийслэлийн Засаг даргын зөвлөлийн ээлжит хуралдаан өчигдөр боллоо. Хуралдаанаар Цахим газар өмчлөлийн талаарх асуудлыг нийслэлийн Газрын албаны дарга Э.Болорчулуун, Гадна зар сурталчилгааны байгууламжийн өнөөгийн байдал тулгамдаж буй асуудлууд болон Хотын ногоон байгууламжийг нэмэгдүүлэх чиглэлээр 2016, 2017 онд хийгдсэн ажил, тооллогын дүнг Улаанбаатар хотын Ерөнхий менежер Т.Гантөмөр танилцуулан, зөвлөлийн гишүүдээр хэлэлцүүлэв.

Улаанбаатар хотын нутаг дэвсгэрт 2017 оны аравдугаар сарын байдлаар 414 гадна зар сурталчилгааны байгууламж байна. Улаанбаатар хотын Захирагчийн ажлын албанаас 2017 оны нэгдүгээр улиралд зөвшөөрөлгүй, хориглох гудамжинд байршуулсан, замын хөдөлгөөний камер халхалсан зөрчил бүхий 70ш тулгуурт байгууламж, 216ш жижиг сурталчилгааны байгууламжийг албадан буулгажээ.

Түүнчлэн нийслэлийн төвийн 6 дүүргийн хэмжээнд гадна зар сурталчилгааны байгууламжийн тооллогыг хийж байршил, эзэмшигч, загвар хэмжээ, холбоо барих бусад мэдээлэл, фото зураг бүхий цахим нэгдсэн мэдээллийн санг бий болгосон байна. Ийнхүү нийслэлийн 378 жилийн ойг тохиолдуулан Улаанбаатар хотын Захирагчийн ажлын албанаас реклам сурталчилгааны самбаруудыг цэгцэлж байна.

Нийслэл дэх реклам, сурталчилгааны самбаруудыг цэгцэлж байна

Улаанбаатар хотын Захирагчийн ажлын албанаас 2016-2020 онд Улаанбаатар хотын Нийтийн эзэмшлийн гудамж, зам талбайн Тохижилт, ногоон байгууламжийн бодлого, хийж хэрэгжүүлэх ажлын талаар Нийслэлийн Засаг дарга бөгөөд Улаанбаатар хотын Захирагч С.Батболд, Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү, Засаг даргын Ногоон хөгжил, агаарын бохирдлын асуудал хариуцсан орлогч  Ж.Батбаясгалан нарт танилцуулж, Засаг даргын зөвлөлийн хурлаар хэлэлцүүлэн, НИТХ-аар батлагдсан Нийслэлийн Засаг даргын 2016-2020 оны мөрийн хөтөлбөр, 2017 оны Нийгэм эдийн засгийн зорилтод тусгуулан ажиллаж байна.

Баянзүрх дүүргийн Эскадрилын хөшөөнөөс Сонгинохайрхан дүүргийн 5 шарын уулзвар хүртэлх замын хоёр талын ногоон байгууламжид  2161 ширхэг,  20 гудамжинд 1920 ширхэг мод, нийт 4081 ширхэг шилмүүст мод (Нарс, Гацуур) тарьжээ. 

2016 оны намар, 2017 оны хавар тарьсан том оврын 4-6 м өндөртэй, шилмүүст модыг ургуулахад зөв технологи, байнгын арчилгаа усалгаа, ургамал хамгааллын ариутгал, өвчин хортны устгал, ТББ-ын хяналтын үр дүнд 99 хувийн ургалттай байна. Энэ амралтын өдөр Цэцэрлэгт хүрээлэнд бүх нийтээр мод тарих өдөр болох юм. Үүний дагуу Нийслэлийн Засаг даргын зөвлөлийн ээлжит хуралдаанаар Улаанбаатар хотод шилжүүлэн суулгасан том модны ургалт, ногоон байгууламжийн нөхцөл байдлын талаар хэлэлцлээ  гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


 

 

 

 

 

 

 

 

Улс төр
  
Нийгэм
  
Эдийн засаг
  
Дэлхий
  
Шар
  
Соёл урлаг
  
Энтертайнмент
  
Эрүүл мэнд
  
Гоо сайхан