Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Монголын сагсан бөмбөгчид Дэлхийн оюутны 3x3 сагсан бөмбөгийн тэмцээнд түүхэн амжилт гаргалаа

  Б.Баяржаргал 2016-11-25 2250

Энэхүү тэмцээнийг Дэлхийн оюутны спортын холбоо, Олон улсын сагсан бөмбөгийн холбоотой хамтран зохион байгуулдаг. Манай залуучуудын баг өнгөрөгч 2015 онд зохиогдсон Азийн оюутны аварга шалгаруулах тэмцээнд амжилттай оролцож мөнгөн медаль хүртэснээр дэлхийд өрсөлдөх эрхээ авсан. Харин энэ тэмцээний В хэсэгт өрсөлдөж БНХАУ, Малайз, Тайландын хүчирхэг багуудыг хожин Унгартай хийсэн тоглолтод тактикаар хожигдсон билээ. 1/8 шигшээгийн нугалааны тоглолтод дэлхийд чансаагаар 10-рт эрэмблэгддэг Австралийн багийг 19:12 харьцаатай буулган авсан юм. Улмаар хагас шигшээд Ливаны шигшээг 21:18 харьцаатай буулган авснаар мөнгөн медалийн болзол хангасан. Аваргын төлөө тоглолт өчигдөр орой болж 2013 оны Европ тивийн аварга, олимпийн хос мөнгөн медальт Францын багтай тогложээ. Энэ тоглолтод 19:12 харьцаатай хүчирхэг Францын баг ялалт байгуулж аваргалсан. Харин анх удаа дэлхийн аваргын тэмцээнд оролцсон Монголын баг тамирчид мөнгөн медаль хүртэж, түүхэн амжилтын эзэд боллоо. Монголын залуучуудын шигшээ багийн бүрэлдэхүүнд Э.Дөлгөөн, А.Гансүх, Б.Батзолбоо, Г.Чинбат нар дасгалжуулагч С.Тулгын удирдлаган дор өрсөлдсөн. Монголын баг тамирчид 2016 онд гаргасан амжилтаараа сагсан бөмбөгийн өнөөгийн хөгжлийг өнгөтөөр тодорхойлж байна. Өнгөрөгч 9-р сард манай оронд зохиогдсон Азийн оюутны аварга шалгаруулах тэмцээнд түрүүлсэн бол төд удалгүй Азийн элсний наадмын 3х3 тэмцээнд мөнгөн медаль хүртсэн юм. Ингэснээр Монголын сагсан бөмбөгийн баг тамирчид олон улсын хараанд өртөж, тал нутгийн охид хөвгүүд сагсан бөмбөг тоглож чаддаг батлан харуулж байна.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө