Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Хүй долоон хутагт Даншиг наадам болж байна

  TV5 News 2018-08-04 1356

Өнөөдөр хүй долоон худагт “Даншиг наадам Хүрээ цам 2018” шашин соёлын наадам албан ёсоор эхэлж, Соёмбот тугаа заллаа. Энэ жил дөрөв дэх жилдээ зохион байгуулагдаж буй уг наадмыг 2014 онд нийслэлийн Засаг даргын шийдвэрээр зохион байгуулж байсан юм.

Даншиг өргөх ёслол нь Монголын шашны тэргүүн Өндөр гэгээн Занабазарыг ширээнд залах үеэс эхлэлтэй баяр наадам юм. Анх 1639 онд Цагаан нуур хэмээх газарт Түшээт хан, Сэцэн хан тэргүүтэй халхын хаад ноёд шашны тэргүүнд залсныг тэмдэглэн даншиг өргөж, их баяр наадам үйлдэж байсан баримт бий.

Даншиг наадам Хүрээ цам шашин соёлын наадмын үеэр лам нарын дунд ном хаялцах, мэтгэлцэх, унзад ламыг тодруулах бөгөөд цам харайж, маань татаж, бөхчүүд эр бяраа, хүлэг морьд шандас хурдаа сорьдог уламжлалтай. Наадам энэ сарын 6-ныг хүртэл үргэлжилнэ. 

 

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Гоо сайхан