Монголбанкны валютын албан ханш:      USD - ?     EUR - ?     GBP - ?     RUB - ?     CNY - ?     KRW - ?    

ХОРТ ХАВДРЫН ТУЯА ЭМЧИЛГЭЭНД ШИНЭ ТЕХНОЛОГИ АШИГЛАНА

  С.Золбоо 2018-09-19 851

Монгол Улсад хорт хавдрын туяа эмчилгээний тусламж үйлчилгээг шинэ түвшинд гаргах зорилгоор шугаман хурдасгуур аппаратыг эмчилгээнд нэвтрүүлэх санаачлага ажил хэрэг болж 2011 оноос “Хавдар судлалын үндэсний төвд хорт хавдрын тусламж үйлчилгээний чанар хүртээмжийг сайжруулах нь” төслийг боловсруулж санхүүжилтийг Австрийн Засгийн газрын хөнгөлөлттэй зээлээр шийдвэрлэхээр болсон билээ.  ХСҮТ уг төслийн гүйцэтгэгчээр сонгогдсон шугаман хурдасгуурыг 2018 онд багтаан суурилуулахаар төлөвлөж байгаа. Энэ хүрээнд өнөөдөр “Шугаман хурдасгуурт суурилсан туяа эмчилгээний дэвшилтэт технологийг Монголд нэвтрүүлэх нь” сэдэвт олон улсын семинарыг Хавдар Судлалын Үндэсний Төв, Монголын Туяа Эмчилгээний Нийгэмлэгтэй хамтран зохион байгуулж байна.

Энэ үеэр хорт хавдрын туяа эмчилгээний орчин үеийн дэвшилтэт арга технологийг эмч, мэргэжилтнүүдэд сургахаас гадна албан байгууллага, хамтын үйл ажиллагаатай бусад эмнэлгийн эмч мэргэжилтнүүд болон нийт ард иргэдэд туяа эмчилгээнд орчин үед нэвтэрч байгаа дэвшилтэт технологи, түүний ач холбогдол, цаашдын хэрэгцээ шаардлага, тулгарч буй бэрхшээл зэргийг сурталчлан таниулахад чухал ач холбогдолтой юм.

Арга хэмжээнд  Австрали, Япон, БНСУ-ын хавдрын чиглэлээр мэргэшсэн эмч, мэргэжилтнүүд, дотоодын 150 гаруй эмч, бодлого боловсруулагч нар оролцож байна.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө