Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Хэрхэн чанга, "сэрвэгэр" хөхтэй болох вэ?

  М.Даваадулам 2017-02-15 13684

Зарим эмэгтэйчүүдийн өөрийн хөхний хэлбэр болон хэмжээнээс ичих тохиолдол бий. Ингэснээр илэн далангуй, задгай хувцас өмсөхөөс тэд татгалздаг. 

Өнөө цагт охид бүсгүйчүүд төдийгүй эрчүүд ч бясалгалаар хичээллэх болжээ. Бясалгал буюу йогийн дасгал эрүүл мэндэд үнэхээр ач тустайг ч мэргэжилтнүүд зөвлөж байна. 

Тэгвэл йогийн дасгалыг зөв зохистой хийснээр хөхөө чангалж, сэтгүүлийн нүүрэн дээрх бүсгүйчүүдтэй адил чанга хөхтэй болох боломжтой гэвэл та итгэх үү? 

Бид та бүхэнд хэрхэн чанга, "сэрвэгэр" хөхтэй болох йогийн дасгал заах гэж байна. Эдгээр дасгалыг хийснээр уушгины багтаамж ч тэлэх ач тустай. Ингэснээр та өөртөө илүү итгэлтэй, эрч хүчээр бялхах болно.


"Дайчин" байрлал

© shutterstock/ fizkes  

Вирабхадрасана буюу дайчны байрлал авснаар та өөрийн эрч хүчийг мэдрээд зогсохгүй цээжний хөндийг тэлж, илүү уян хатан болох боломжтой.

  1. Хоёр хөлөө аль болох хол зайтай дэлгэж, нэг шугаманд байрлуулан зогсоно.
  2. Зүүн хөлийн тавхай хэсгийг зүүн тийш 90 градус эргүүлж, баруун хөлийн тавхайг дотогш эргүүлэн зогсоно. Амьсгаагаа гаргаад, зүүн хөлөө өвдгөөр нь нугална.
  3. Баруун хөл шулуун байна.. Хоёр гараа алдална. Толгойгоо зүүн тийш эргүүлж, зүүн гарын бугалгыг харна.
  4. Тус дасгалыг 7-10 удаа давтаад, баруун тийш харж, мөн адил давтан хийнэ. 

"Гурвалжин" байрлал

© shutterstock/ fizkes  

Трикосана буюу "гурвалжин" байрлал нь цээжний булчинг чангалж, нурууны сунгалтыг сайжруулан, цусны эргэлтийг хурдасгана. 

  1. Хөлөө мөн адил хол зайтай тавьж зогсоно. Зүүн хөлийн тавхайг 90 градус, баруун хөлийнхийг 15 градус зүүн тийш эргүүлэн байрлуулна.
  2. Зүүн гараараа зүүн хөлийн дотор талын шагайнд хүрнэ. Дасгал хийх хирээр гарын алгаараа шаланд тулж болно. Харин баруун гараа дээш өргөнө. Ингэхдээ хоёр гар тань нэг шугаманд байх ёстой. Тус дасгалыг хийхдээ өвдгөө нугалж, мөн нуруугаараа бөгтийж болохгүй.
  3. Нүүрээ дээш харуулан, дээш өргөсөн гарын хуруунуудыг харна. Тус дасгалыг нөгөө тал руугаа мөн адил давтан хийнэ.

"Кобра" байрлал

© shutterstock/ fizkes  

Бхуджангасана буюу "кобра" байрлал нь уушгины багтаамжийг тань тэлж, цээжний булчинг чангална. Мөн энэ дасгалыг хийснээр хэвлийн булчин ч чангарч, нурууны бөгтгөр засах ач тустай.

  1. Хэвлийгээрээ доош харан хэвтэж, гүнзгий амьсгаа авна. Аажмаар цээжин биеэ өргөнө. Ингэхдээ хөлөө аль болох шаланд шахна. Хоёр хөл болон гар дээрээ тэнцвэрээ олно.
  2. Толгойгоо дээш өргөнө. 
  3. Амьсгаагаа зөөлөн гаргаж, анхны байрлалдаа шилжинэ. Энэ дасгалыг хийх бүртээ хугацаагаа уртасгахыг хичээгээрэй.

"Нум сум" байрлал

© shutterstock/ fizkes  

Дханурасана буюу "нум сум" байрлал нь нурууны өвчтэй хүнд илүүтэй ач тустай. Нурууны нугасны бүх үеийг тэлэхээс гадна цээжний булчинг чангалах давуу талтай.

  1. Хэвлийгээрээ доош харан хэвтэнэ. Амьсгаагаа гаргаж, хөлөө өвдгөөр нь нугалан, аль болох толгойндоо хүргэхийг хичээнэ. Хоёр гараараа хөлийнхөө шагайгаар барина.
  2. Амьсгаагаа дахин аажмаар гаргаж, хөл болон гараа аль болох дээш өргөхийг хичээгээрэй. Цээж болон таазан хэсэг шалнаас хөндийрөх ёстой. Хэвлий хэсэгт тэнцвэр тань төвлөрнө. 
  3. Тэнцвэрээ 30 секундын турш бариарай.

"Гүүр" байрлал

© shutterstock/ fizkes  

Чакрасана буюу гүүрэн байрлал нь цээж, нуруу, хүзүүний булчингийн сунгалтыг сайжруулж, ядаргааг тайлахаас гадна толгойны өвчнийг ч намдаах ач тустай.

  1. Нуруугаараа хэвтээд, хөлөө мөрнөөсөө арай өргөн зайд байрлуулна. Хөлөө аль болох өгзгөндөө ойртуулж татаарай.
  2. Гараа толгойныхоо хойно, хуруунуудаа хөл рүүгээ харуулан байрлуулна. Амьсгаагаа гаргаж цээж болон хэвлий хэсгээ аль болох дээш өргөөрэй.
  3. Аль болох гараа шулуун болтол дээшээ болоорой. Тус байрлалд 30 минут барина. 

"Толгой дээрээ зогсох" байрлал

© shutterstock/ fizkes  

Саламба ширшасана буюу толгой дээрээ зогсох байрлал нь нуруу, цээжний булчингийн үйл ажиллагааг сайжруулна. Мөн цусны эргэлтийг дэмжиж, уушгины багтаамжийг ч тэлэх ач тустай. Гэхдээ мэдээж харьцангуй туршлагатай йогчдод тус дасгалыг зөвлөж байна. 

  1. Өвдгөн дээрээ суугаад тохойгоороо шаланд тулна. Хоёр гараа атгана. Урьдчилж дэвссэн зөөлөн хивсэнцэр дээр зулайгаа байрлуулна.
  2. Хөлөө өвдгөөр нь нугалж, амьсгаагаа гаргахдаа хөлөө өргөөрэй.
  3. Хөлөө тэгшилнэ. Тус байрлалд 30 секундээс 2 минут барина /өөрийн боломжоос шалтгаалаад/.

"Тэмээ" байрлал

© shutterstock/ fizkes  

Уштрасана буюу "тэмээ" байрлал нь нурууны өвчнийг хоромхон хугацаанд арилгахаас гадна уушгины багаамжийг тэлж, цээжний булчинг чангалдаг.

  1. Өвдгөн дээрээ суугаад, хөлөө нийлүүлээрэй.
  2. Аажмаар цээжээ хойш болгож, хоёр гарын алгаа хоёр хөлийн улан дээр байрлуулна. Толгойгоо мөн адил аль болох хойш нь болгоорой.
  3. Тус байрлалд 30 секунд барьсаны дараа эргээд анхны байрлалд шилжинэ. 

Эх сурвалж: stylecraze

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Гоо сайхан