Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

ТРАМП ЕВРОПЫН АВТОМАШИНД 20%-ИЙН ТАТВАР ОНОГДУУЛАХАА МЭДЭГДЖЭЭ

  Б.Оюун 2018-06-23 622

АНУ-ын ерөнхийлөгч Дональд Трамп Европоос оруулж ирж байгаа автомашины гаалийн татварыг 20%-иар нэмэгдүүлэхээр сүрдүүлсэн байна. Цагаан ордны тэргүүн энэ талаар ЕХ-ны зүгээс Вашингтон төмөр, хөнгөн цагааны импортын татвараа нэмэгдүүлэх шийдвэр гаргасны дараа авсан худалдааны хариу хориг арга хэмжээний дараа мэдэгджээ.

Ерөнхийлөгч Трамп энэ талаар мэдэгдэхдээ: -ЕХ-ны зүгээс манай улсын эсрэг худалдааны хориг тавих шийдвэр гаргасны хариуд бид Европоос оруулж ирж байгаа бүх автомашинд 20%-ийн гаалийн татвар нэмж тооцох болно... гэсэн байна.

Цагаан ордны тэргүүн энэ талаар өөрийн твиттер хуудсан дээрээ бичиж, хэрвээ ЕХ-ны зүгээс удаан хугацааны туршид Америкийн эсрэг хэрэгжүүлж байгаа худалдааны болоод татварын нэмэлт арга хэмжэ хэмжээгээ таслан зогсоохгүй бол бид үүний хариуд Европын автомашины татварыг 20%-иар нэмэх болно...Хүсвэл тэр машинуудаа манай нутаг дэвсгэр дээр үйлдвэрлэж болно...гэжээ.

АНУ болон ЕХ-ны хоорондын худалдааны дайн өнгөрсөн 3-р сараас эхлэн идэвхжиж, Вашингтон импортын төмөрт оногдуулах татвараа 25%-иар, хөнгөн цагаанд оноох татварыг 10%-иар нэмэгдүүлэх шийдвэр гаргаснаар эхэлсэн юм.

Америкийн энэ шийдвэрийн хариуд ЕХ, хариу хориг арга хэмжээ авч, нийтдээ 2 тэрбум 800 сая еврогийн үнэ бүхий Америкийн бараа таваарт татварын нэмэгдэл оногдуулсан юм. Түүнчлэн Америкийн төмөрлөгийн салбарын бүтээгдэхүүнээс гадна ЕХ-ны “хар жагсаалт”-д Америкийн нэртэй брэнд бүтээгдэхүүнүүд болох хувцас хэрэглэл, мотоцикл, виски зэрэг багтаж, эдгээр бүтээгдэхүүний гаалийн татварыг нэмэгдүүлжээ.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Гоо сайхан