Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Балбад осолдсон онгоцны ослоор 49 хүн амиа алджээ

  admin 2018-03-13 769

Балбын Катманду хотын  Трибхуван нисэх буудалд өчигдөр (2018.03.12) газардах гэж байсан зорчигч тээврийн онгоц осолдсоноос 49 зорчигч амиа алджээ. Осол даваа гаригт орон нутгийн цагаар өдрийн 14:15 минутын орчим болсон байна.

“US-Bangla Airlines” компанийн  BS 211 онгоц Бангладешийн Дака хотоос ирж байжээ.

Онгоцонд нислэгийн багийн гишүүдтэй нийлээд 71 хүн зорчиж явсан гэнэ. Зорчигчдийн ес нь эмнэлэгт очсоны дараа нас баржээ. Амьд үлдсэн 22 зорчигч эмнэлэгт хэвтэж эмчлүүлж байгаа юм байна. Зорчигчид Балба, Бангдладешийн иргэд байжээ.

Гэрчийн мэдүүлснээр онгоц хэвийн газардаж байсан боловч гэнэт онгоцны сүүл хэсгээс утаа гарч эхэлсэн” гэжээ.

Онгоц нислэгийн зурвасын өмнөд хэсэгт газардах зөвшөөрөл авсан боловч хойд талаас нь газарджээ.  Нислэгийн удирдлагын төв нисгэгчид яагаад буух зүгээ өөрчилснийг мэдээгүй байна. Онгоцны нисгэгчийн бүтээгт байсан хар хайрцаг болон нислэгийн мэдээллийг хадгалсан хоёр дахь хар хайрцгийг олсон байна.

Онгоцны ослын шалтгааныг тогтоохоор шинжээчид ажиллаж байгаа гэнэ.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Гоо сайхан