Монголбанкны валютын албан ханш:      USD - ₮      EUR - ₮      GBP - ₮      RUB - ₮      CNY - ₮      KRW - ₮     

Тээврийн цагдаагийнхан "мартах учиргүй" нөхдөө эргэн дурслаа

  Д.Отгонсүрэн 2019-07-17 672

“БИД МАРТАХГҮЙ” хүндэтгэлийн өдрийг өнөөдөр Тээврийн цагдаагийн албаны төв байранд зохион байгууллаа.

Төр, ард түмнийхээ өмнө өргөсөн тангарагтаа үнэнчээр зүтгэж яваад алтан амиа алдсан цагдаагийн гавьяат үйлстнүүдийг дурсаж хүндэтгэх ажлыг жил бүр “БИД МАРТАХГҮЙ” хүндэтгэлийн өдөр болгон тэмдэглэж байна.
Тус үйл ажиллагаанд Тээврийн цагдаагийн албаны удирдлагууд болон цагдаагийн албанд шинээр орсон алба хаагч, амь үрэгдсэн алба хаагчдын гэр бүлийн төлөөлөл оролцож хүндэтгэл үзүүллээ.

Өнөөдөр бол Монгол Улсын цагдаагийн алба хаагчдын хувьд мартаж боломгүй өнө мөнхөд эргэн дурсах хүндэтгэлтэй өдөр юм. Тус албанаас энэ өдрийг 2007 оноос эхлэн албан үүргээ гүйцэтгэж яваад алтан амиа алдсан алба хаагчдаа дурсан санах өдөр болгон өдгөө 12 дахь жилдээ тасралтгүй зохион байгуулж байгаа билээ.

Цагдаагийн байгууллагын хэмжээнд өнгөрсөн хугацаанд 90  алба хаагч  албан үүргээ гүйцэтгэж байгаад харамсалтайгаар амь насаа алдсан байна. Үүнээс замын цагдаагийн албаны хэмжээнд нийт 15 алба хаагч үүргээ биелүүлж яваад амь насаа алджээ. Та бидний амар тайван амьдралын төлөө 15 хүү, 15 ах, 15 аав, 15 хань амиа өргөв.

“Бид мартахгүй” хүндэтгэлийн арга хэмжээний үеэр амь эрсэдсэн алба хаагчдынхаа гэгээн дурсгалыг хүндэтгэн 1 минут дуугүй зогсож “Бид мартахгүй” баримтад киног үзэж, сонирхов.

Тээврийн Цагдаагийн Алба-н зураг.

Тээврийн Цагдаагийн Алба-н зураг.

Улс төр
  
Нийгэм
  
Эдийн засаг
  
Дэлхий
  
Шар
  
Спорт
  
Соёл урлаг
  
Энтертайнмент
  
Эрүүл мэнд
  
Зөвлөгөө