Ковид-19

Тусгай үүргийн онгоцоор ирсэн иргэдэд коронавирусийн халдварын шинжилгээ хийсээр байна. Өчигдөр архаг хууч өвчтэй 24 иргэний хариу сөрөг гарсан бол өнөөдөр 22 иргэнд хийсэн шинжилгээнд коронавирус илрээгүйг Халдварт өвчин судлалын үндэсний төвөөс мэдээллээ. Өвчний голомттой бүс нутгаас ирсэн хүмүүсийн биеийн байдлыг сайтар тодорхойлох ёстойг онцолж байна. Одоо дахиад 200 гаруй иргэнд шинжилгээ хийхээр төлөвлөжээ.

Тусгай үүргийн онгоцоор ирсэн зорчигчдыг шинжилгээнд хамруулсаар байна. Эхний ээлжинд архаг хууч өвчтэй, өндөр настай хүмүүсийг сонгож шинжилгээ хийж байгаа. Станбул-Улаанбаатарын онгоцоор ирсэн 22 хүний хариу гарч, коронавирус илрээгүй болохыг ХӨСҮТ-өөс мэдээллээ. Мөн ХӨСҮТ өнөөдрийн байдлаар 289 хяналтад байна. 

1-р сарын 9-өөс хойш нийт 3325 иргэнийг тусгаарласан. Харин өнөөдрийн байдлаар 2000 гаруй иргэн тусгаарлах байруудад байна. Мөн сүүлийн 24 цагийн хугацаанд Орхон аймагт 42, Баян-Өлгий 33, Дарханд дөрөв, Сэлэнгэ хоёр, Дорнод аймагт 18 иргэнийг нэмж тусгаарлаад байна.

Батлагдсан 10 тохиолдлоос хоёр хүний биеийн байдал хүндэвтэр. Гэвч  ч  эмчилгээ үр дүнгээ өгч, биеийн байдал тогтворсон гэдгийг ХӨСҮТ-өөс өчигдөр мэдээллэсэн юм. 

ФЭЙСБҮҮК ШУУД ҮЗЭХ