Ковид-19

Коронавируст халдвар дөрөв хоногийн дотор эрчимтэй нэмэгдэж, сая саяар өвчилж байгааг ДЭМБ-аас мэдээлж байна.  24 цагийн дотор дэлхий дахинд 278 мянган хүн шинээр өвчилж, 6000 гаруй хүн нас баржээ. Коронавируст халдвараар  АНУ, Бразил, Энэтхэг, ОХУ тэргүүлсэн хэвээр байна. АНУ-д өчигдөр 31 мянган хүн шинээр халдвар авчээ.

Өчигдрийн байдлаар

Энэтхэг улсад 61 мянган хүн,

АНУ-д 56 мянган хүн,

Бразил улсад 66 мянган хүн шинээр халдвар авчээ. 

Мөн ОХУ-д 5,244 тохиолдол, 119 нас баралт шинээр бүртгэгдсэн байна.

БНХАУ-д 120 тохиолдол шинээр бүртгэгдсэн бөгөөд үүний 6 нь гадаадаас зөөвөрлөгджээ.

Коронавируст халдвар дөрөвхөн хоногийн дотор эрчимтэй нэмэгдэж, сая саяар өвчилж байна. 24 цагийн дотор дэлхий дахинд 278 мянган хүн шинээр өвчилж, 6000 гаруй хүн нас баржээ.

Бохир усыг шинэчлэх шаардлагатайг ДЭМБ-аас анхааруулж байна.

Учир нь сүүлийн үед дэлхийн олон оронд бохир уснаас коронавируст халдвар илэрсэн.

24 цагийн хугацаанд ОХУ-д 5244 хүн халдвар авч, 119 хүн нас барсан. Харин БНХАУ-д 120 тохиолдол шинээр бүртгэгдсэнээс зургаа нь гадаадаас зөөвөрлөгдөж орж ирсэн байна.

АНУ-ын Харшил, халдвар судлалын төвийн захирал коронавирусний эсрэг вакцин 50-60 хувийн үр дүнтэй байх магадлалтай учраас вакцин гаргаж авлаа ч  коронавируст халдвараас сэргийлэх бусад арга хэмжээг зайлшгүй авч байх шаардлагатайг онцолжээ.

Энэ нь маск зүүх, гараа угаах, олон нийтийн газраар явахгүй байх явдал юм.

Мөн АНУ-д халдвараар хүнд өвчилсөн хүний ийлдсээс эсрэг бие гарган авч эмчлэх туршилт шинээр хийж байгаа гэлээ.

Харин манай улсад өчигдөр 359 хүн тусгаарлалтад шинээр орсон бол 56 хүн тусгаарлах байрнаас гарч гэрийн тусгаарлалтад шилжжээ. Өнөөдрийн байдлаар нийт 3,046 хүн тусгаарлалтад байна.  119 дугаарын утсанд 24 цагийн хугацаанд 125 удаагийн дуудлага ирж, иргэд зөвлөмж зөвлөгөө авчээ. Шуурхай-119 аппликэйшнд ОХУ-аас нэг иргэн холбогдож зөвлөгөө авсан байна.