Ковид-19

Манай улс коронавируст халдвараас иргэдээ найдвартай хамгаалсан хэвээр байна. Өнгөрсөн 24 цагт 600 гаруй хүнд шинжилгээ хийхэд бүгд сөрөг буюу халдваргүй болох нь тогтоогдлоо. Өнөөдрийн байдлаар Халдварт өвчин судлалын үндэсний төвд КОВИД-19 халдвартай 22 хүн үлдэж байна. Тэдний биеийн байдал хэвийн, хөнгөн байгааг Эрүүл мэндийн яамнаас мэдээллээ.

Өчигдөр ХӨСҮТ-ийн вирус судлалын лаборатори болон Дархан-Уул аймгийн салбар лабораторид нийт 609 хүнд шинжилгээ хийжээ. Үүнд, наймдугаар сарын 15-нд Сөүл-Улаанбаатарын транзит нислэгээр ирсэн 268 хүний шинжилгээ, долдугаар сарын 27-нд Франкфурт-Улаанбаатарын онгоцоор ирсэн 266 хүний давтан шинжилгээ, ХӨСҮТ-д тусгаарлагдсан хоёр хүний шинжилгээ, Сувиллын ажиглалтад байгаа 6 хүний шинжилгээ, Тусгаарлах байранд тусгаарлагдсан 31 хүний шинжилгээ, Цэргийн төв эмнэлэгт тусгаарлагдсан 6 хүний шинжилгээ, Алтанбулагийн боомтоор ирж ирсэн 30 хүний шинжилгээ багтжээ.

609 ХҮНИЙ ШИНЖИЛГЭЭНИЙ ХАРИУ СӨРӨГ ГАРЛАА

Манай улсын хувьд өчигдөр зургаан хүн ажиглалтад шинээр орж, найман хүн гэрийн ажиглалтад шилжсэн байна. Одоогоор тусгаарлан ажиглах байранд байгаа 3,624 хүнд 34 их эмч, 95 резидэнт эмч болон 110 төрийн албан хаагч тусламж үйлчилгээ үзүүлж байгаа юм. Цэргийн төв эмнэлэгт тусгай үүргийн онгоцоор ирсэн 67 хүн хэвтэн эмчлүүлж байна. 

ӨНӨӨДРИЙН БАЙДЛААР ХӨСҮТ-Д КОРОНАВИРУСТ ХАЛДВАРТАЙ 22 ХҮН БАЙНА

ФЭЙСБҮҮК ШУУД ҮЗЭХ