Ковид-19

Австрали улс эм үйлдвэрлэгч АстраЗенека компаниас вакцин худалдан авах гэрээ байгуулсан. Хэрвээ вакцин аюулгүй нь батлагдан албан ёсны эрхээ авбал бүх иргэдээ үнэгүй вакцинжуулахаар төлөвлөсөн тухай Австралийн ерөнхий сайд Скотт Морисс мэдэгджээ.

Австрали улс 25 сая гаруй иргэнтэй. АстраЗенекагийн вакцин гарган авах төсөл нь дэлхийн хэмжээнд найдлага төрүүлж байгаа таван төслийн нэг. Үүнээс гадна Австрали нь АНУ-ын анагаах ухааны технологийн компани Бектон Диксонтой 100 сая зүү, тариур худалдан авах 17.9 сая долларын гэрээ байгуулжээ. Австралид халдварын улмаас 400 гаруй хүн нас барсан. Саяхан Викториа хотод халдварын дэгдэлт эрчимжиж байгаатай холбоотойгоор онц байдал зарласан. Улсын хэмжээнд идэвхтэй халдвартай байгаа иргэдийн тоо долоон мянга хүрчээ.