Топ мэдээнүүд

Улсын Их Хурлын дарга Г.Занданшатар арилжааны банкуудын удирдлагуудтай уулзаж, банкны зээлийн хүүг бууруулах, экспорт, үйлдвэрлэлийг дэмжих зээлийг нэмэгдүүлэх, банк санхүүгийн салбарт реформ хийх зэрэг асуудлаар санал солилцлоо.

Коронавируст цар тахлын улмаас Эрээн боомт хотоор дамжин Монгол Улсын хооронд хийгддэг импорт, экспортын худалдаа буурах хандлагатай байна.

Өчигдөр буюу 2020 оны 07 дугаар сарын 19-ний өдөр НӨАТ-ын урамшууллын сугалааны тохирол журмын дагуу явагдлаа. 

Албан татвар төлөгчдийн тухайд улирлын сүүлийн өдрийн 24 цагаас өмнө худалдан авсан төлбөрийн баримтын мэдээллийг дараагийн улирлын эхний сарын 8-ны өдрийн дотор цахим системд бүртгүүлсэн байх журамтай. Улмаар татварын асуудал эрхэлсэн төрийн захиргааны байгууллага ажлын 7 өдөрт багтаан хянадаг байна. Ингэснээр буцаан олгох татварын хэмжээг тодорхойлж гаргадаг гэдгийг хэллээ.

Дэлхийн таваарын бирж дээр COVID-19 цар тахал, мөн ОПЕК-ийн орнуудын эрэлт нийлүүлэлттэй холбоотойгоор өнгөрсөн 3-р сард нефтийн бүтээгдэхүүний үнэ ханш огцом бууж, хасах үзүүлэлттэй болсон. Тэгвэл тэр үетэй харьцуулахад өнөөдөр таваарын биржүүд дээр нөхцөл байдал эргээд сэргэж, өнгөрсөн 3-р сарын 6-наас хойш Брент маркийн нефтийн үнэ анх удаа баррель нь 40 доллараас дээш үнэд хүрчээ.

Монгол Улс ФАТФ байгууллагын эдийн засгийн саарал жагсаалтаас гарах нөхцлөө бүрэн хангасан. Хамгийн сүүлийн тайланд Монгол Улсыг даалгавраа амжилттай биелүүлсэнг тусгажээ. Цаашид эдийн засгийн хүндрэлийг даван туулж, эрчимтэй өсгөх асуудлаар Улсын их хурлын дарга Монгол банкны ерөнхийлөгчтэй санал солилцлоо. Эдийн засгаа сэргээх их ажлын хажуугаар Европын хар жагсаалтад орсон мэтээр улстөржүүлж худал мэдээ тарах болсныг Их хурлын дарга хэллээ. Тийм учраас ард иргэдийг санхүүгийн үнэн зөв мэдээллээр хангахад анхаарлаа хандуулахыг Монголбанкы ерөнхийлөгчөөс хүссэн байна.

Манай улс ФАТФ байгууллагын эдийн засгийн саарал жагсаалтаас гарах нөхцлөө бүрэн хангасан байна. Сүүлийн тайланд Монгол Улс хүлээсэн үүргээ үүргээ бүрэн биелүүлсэнг тусгажээ. Манай улсыг мөнгө угаах, терроризмыг санхүүжүүлэхийн эсрэг дорвитой арга хэмжээ аваагүй гэж ФАТФ үзэж байсан юм. Саарал жагсаалт хүндэрвэл олон улсад хэрэглэдэг виза карт ажиллагаагүй болохоос эхлээд хөрөнгө оруулагчид нүүр буруулж эдийн засгийн хувьд дэлхийгээс таслагдах хүндхэн сорилт үүссэн. Үүнийг манай улс богино хугацаанд өөрчилж, засгийн газар шийдвэртэй алхам хийж чадсаныг Төв банкнаас мэдээллээ.

Дэлхийн зах зээл дээр Брент маркийн газрын тосны үнэ 35.77 ам.доллар/баррель болсон нь өнгөрсөн долоо хоногоос 17.5 хувиар өссөн болохыг харуулж байна. Хэдийгээр дэлхийн зах зээлд газрын тосны үнэ өссөн ч манай улс шатахууны жижиглэнгийн үнэ барина гэдгийг АМГТГ-аас мэдэгдлээ.

Мөн өнөөдөр Төв банкны хоёр дэд ерөнхийлөгчийг томилсон байна. Монголбанкны ерөнхийлөгч Баяртсайханыг огцруулснаар дэд ерөнхийлөгчийн суудал эзгүй байсан юм. Тэргүүн дэд ерөнхийлөгчөөр Г.Дөлгөөн, дэд ерөнхийлөгчөөр Г.Энхтайваныг томиллоо. Улсын эдийн засаг FATF байгууллагын саарал жагсаалтад орсон. Эндээс гарах нь эхний даалгавар гэдгийг Улсын Их Хурлын дарга онцолсон байна.

Дэлхий даяар коронавируст халдвар тархсанаас үүдэн олон өөрчлөлт гарч байгаа. Тодруулбал АНУ-ын газрын тосны үнэ түүхэндээ анх удаа хасах руу орсон нь олны анхаарлыг татаад байна. АНУ-ын газрын тосны жишиг болох “West Texas Intermediate (WTI)”-д 120 тонн газрын тосны үнэ 37.63 доллар хүртэл бууржээ.

НӨАТ-ын урамшууллын 2020 оны 4 дүгээр сарын сугалааны тохирлын нэвтрүүлэг 4-р сарын 19-ний Ням гарагт 19.10 цагт Боловсрол телевизээр орон даяар шууд явагдана.

Засгийн газраас эдийн засгийг эрчимжүүлэх бодлогын хүрээнд 700 мянган иргэдийг НДШ болон ХХОАТ-аас зургаан сарын хугацаанд чөлөөлөх шийдвэрийг гаргасан. Уг шийдвэрийг хэрэгжүүлэхтэй холбоотой УИХ холбогдох хуульд өөрчлөлт оруулан батласан.

Энэ мэтчилэн арилжааны банкууд иргэдийг хүндрүүлж, төр засгийн шийдвэрт хойрго хандаж байгаа нь банкууд монополь  тогтоосныг харуулж байгаа юм. Тиймээс банкны салбарт цогц шинэчлэл хийх УИХ-ын ажлын хэсэг байгуулагдсан. Тус ажлын хэсэг нэн тэргүүнд банкуудыг хувьцаат компани хэлбэрээр ажиллуулах шаардлагатай гэж мэдэгдлээ. Учир нь нэгээс хоёр хүний эзэмшилд байдаг арилжааны банкуудад Монголын эдийн засгийг хариуцуулж байгаа нь өнөөдрийн нөхцөлд хүргэсэн гэдгийг УИХ-ын гишүүн Б.Баттөмөр онцоллоо.

Хэрэглээний зээл болон орон сууцны ипотекийн зээл хойшлуулах засгийн газрын шийдвэр арилжааны банкууд дээд очоод удаа дараа гацсан. Энэ асуудлаар УИХ-ын Өргөдлийн байнгын хороо иргэдийн гомдлын дагуу мэдээлэл сонслоо. Энэ үеэр ипотекийн зээлийг 6 сараас хойшлуулах хүсэлтийг тавдугаар сарын нэгэн хүртэл авна гэдгийг Төв банкны төлөөлөл хэллээ. Мөн үндсэн төлбөрт хүү тооцож, ямар нэгэн баримт шаардахгүйгээр зээлийн төлбөрийг хойшлуулах чиглэл өгчээ.

Манай улс 2015 оноос хойш иргэн аж ахуй нэгжүүдийн худалдан авалт, орлогын гүйлгээнд НӨАТ ногдуулан 10 хувийн шимтгэл авдаг болсон. Үүнээс иргэд 2 хувийн буцаан олголт авч сугалаанд оролцох баримттай үлддэг. Тэгвэл таван жилийн хугацаанд хэрэгжиж ирсэн НӨАТ манай улсын төсвийн 30 хувь буюу 2.7 их наяд төгрөгийг төвлөрүүлж байна.

Ерөнхий сайд банкны салбарт реформ хийх цаг нь болсон байгааг мэдэгдсэн. Тэгвэл энэ ажил эхэлсэн бололтой. Өнөөдөр эрх баригч Монгол Ардын намын бүлэг арилжааны банкны шинэчлэлийн асуудлаар хуралдсан гэдгийг Ж.Бат-Эрдэнэ гишүүн хэллээ. Эхний ээлжинд хадгаламжийн хүүг бууруулах, нэг хүний эзэмшилд банкны 20-иос илүү хувь байхыг хориглох зэрэг асуудлыг хөнджээ.

Монгол Улсын иргэн бүр Таван толгойн орд газраас 1072 ширхэг хувьцаа эзэмшиж байгаа. Энэ хувьцаа 10 жилийн дараа анх удаа амь орж ирэх сарын нэгний өдрөөс  ноогдол ашиг тараахад бэлэн болжээ. Тэгвэл үүнтэй холбоотойгоор хувьцаа худалдаж авна гэсэн хуурамч зар түгэж байгааг Эрдэнэс Таван толгой компаниас анхаарууллаа. Тиймээс аливаа худал мэдээлэлд автахгүй байхыг иргэдэд уриалсан байна.

Гурван ээлжээр хичээллэж байгаа төрийн өмчийн сургуулийн ачааллыг хувийн сургуулиуд 10 гаруй хувиар бууруулан ажиллаж байна. Өөрөөр бол улсын хэмжээнд 650 гаруй мянган хүүхэд суралцаж байгаагаас 50 орчим мянган хүүхэд хувийн сургуульд суралцаж байгаа юм. Улсаас ямар нэг татаас авдаггүй хувийн хэвшлийн сургуулиудын дийлэнх нь ашгийн бус статусаар үйл ажиллагаа явуулж сургалтын төлбөрөөрөө зардлаа нөхдөг байна. Тиймээс онцгой дэглэм тогтоосон хугацааны төлбөрийг сурагчдад буцаан олгох боломжгүйг хэллээ. Үүнээс гадна дийлэнх сургуулиуд санхүүгийн хүндрэлд орж эхэлсэн байна.

БНХАУ-аас дамжин өнгөрөх чингэлгийн транзит 102 галт тэрэгний аялал цуцлагдсан нь дамжин өнгөрөх тээвэр буурахад нөлөөлснийг албаныхан ярьж байна. Импортын тээвэр 8 хувиар, орон нутгийн тээвэрлэлт 10 орчим хувиар буурчээ. Өндөр тарифтай ачаа тээвэр буурсан, халдварт өвчнөөс урьдчилан сэргийлэх ажилд төлөвлөгдөөгүй зардал гарсан, УОК-оос өгсөн үүрэг даалгаврыг биелүүлэхэд нэмэлт зардал гаргаж байгаа зэргээс шалтгаалж УБТЗ өнөөдрийн байдлаар 16.3 тэрбум төгрөгийн орлогоо алджээ.

Коронавирус өвчний улмаас дэлхий даяар хөл хорио тогтоож, эдийн засгийн доголдол бий болж ирсэн. Манай улсад ч энэ асуудал нөлөөлж эхэллээ. Харин үүнээс хохирол багатай гарах 17 төрлийн арга байгааг бизнесийн байгуулагууд хамтран тодорхойлжээ. Тэд саналаа төр засагт хүргүүлж, ярилцах хүсэлтэй байгаагаа өнөөдөр илэрхийллээ. 

Иргэн аж ахуй нэгжүүдэд учирч байгаа эдийн засгийн хүндрэлийг хөнгөлөх зорилгоор Монгол банк бодлогын хүүгээ нэг хувиар бууруулсан. Үүнээс гадна арилжааны банкуудад заавал байлгах бэлэн мөнгөний нөөцийг хоёр пунктээр доошлуулсан. Ингэснээр 300 гаруй тэрбум төгрөгийн эргэлт үүсч иргэдийн хэрэглээний зээл төлөлтийг гурван сараар хойшлуулах боломж бүрдэнэ гэж засгийн газар үзсэн юм.

Архив...

Эдийн засаг

Иргэн бүрийн эзэмшиж байгаа 1072 ширхэг хувьцаа ирэх 5-р сарын нэгний өдрөөс амь орж ноогдол ашиг тараана. Нэг хүнд ойролцоогоор 94 мянган төгрөг оногдохоор байгаа юм. Даваа гараг бүр Эрдэнэс Таван толгой компани ноогдол ашгаа хэрхэн хуваах, бэлтгэл ажил ямар түвшинд хангагдсан зэрэг мэдээллийг өгч эхэлсэн. Өнөөдөр ээлжит хэвлэлийн бага хурал боллоо.

Зээл, зээлийн хүү төлөлтийг 90 хоногоор сунгах шийдвэрт банк бус санхүүгийн байгууллага, хадгаламж зээлийн хоршоод мөн багтаж байгаа. Тэдний зарим нь төрийн шийдвэрийг хэрэгжүүлж, зээлдэгч нарынхаа гэрээг шинэчилж эхэлжээ. Иргэдийн хувьд барьцаалан зээлдүүлэх үйлчилгээ буюу ломбард хамрагдах эсэхийг хамгийн их асууж байна. Энэ талаар санхүүгийн зохицуулах хорооноос мэдээлэл авлаа.

Коронавирусийн халдвар гарсантай холбогдуулан дэлхийн эдийн засагт хүчтэй цохилтууд өгч байна. Санхүүгийн хохирол амсахгүйн тулд хөл хорио тогтоох арга хэмжээ аваагүй улс орнуудын хувьд өвчний тархалт нэмэгдэж, байдал хүндэрсээр байгаа юм. Манай улсын хувьд хилээ хааснаар уул уурхай, олборлох аж үйлдвэрийн салбарын орлого сарын дотор 439 тэрбум төгрөгөөр буурсан байна.

НӨАТ-ын урамшууллын 2020 оны 03 дугаар сарын сугалааны тохирлын нэвтрүүлэг 3-р сарын 22-ны Ням гарагт Боловсрол телевизээр орон даяар шууд явагдана.

Үндэсний статистикийн хороо өнгөрсөн сарын нийгэм эдийн засгийн мэдээллээс танилцууллаа. Улаанбаатар хотод хэрэглээний бараа бүтээгдэхүүний үнэ өмнөх жилээс 6.9 хувиар өссөн байна. Махны жижиглэнгийн үнэ нэмэгдсэн нь бусад төрлийн бараа бүтээгдэхүүний үнэд нөлөөлсөн гэж статистикчид үзжээ.

Засгийн газрын өнөөдрийн хуралдаанаар иргэн, аж ахуй нэгжүүдийн зээлийн хүүг бууруулах боломжийг судлан уг асуудлыг хэлэлцлээ. Улмаар Төв банк мөнгөний бодлогын хүүгээ 1 пунктээр буулгасан бол арилжааны банкууд заавал байлгах нөөцийг 2 пунктээр буулгалаа. Ингэснээр төрөөс арилжааны банкууд зээлийн хүүгээ бодитоор бууруулах боломжийг бүрдүүлж байгааг сангийн сайд онцоллоо. Мөн банк бус санхүүгийн байгууллагууд зээлийн хүүндээ өөрчлөлт оруулах асуудлыг хэлэлцэж байгааг хэллээ.

Монгол Улсын иргэн бүр 1,072 ширхэг хувьцаа эзэмшиж байгаа. Ноогдол ашиг тараах ажил ирэх 5-р сард эхлэх гэж байна. Энэ их мөнгийг зүгээр тараахын оронд сургууль, цэцэрлэг барь гэдэг санал гарч эхэлсэн. Иргэдийн эзэмшиж байгаа хувьцааны ноогдол ашгийг засгийн газар, эсвэл аль нэг компанин иргэн дур мэдэн шийдэх боломжгүй. Хэрвээ тийм хүсэлтэй байгаа бол өөрийн авах ноогдол ашгаа энэ ажилд хандивлаж болно гэдгийг Эрдэнэс Таван Толгой компанийн захирал Б.Ганхуяг онцоллоо.

Хуулийн хүрээнд Төв банкны зүгээс Арилжааны банкуудын үйл ажиллагаанд оролцож, зээлийн хүүгээ түр зогсоох, аль эсвэл царцаахыг шаардах боломжгүй гэлээ. Харин арилжааны банкууд онцгой дэглэмтэй энэ үед харилцагч нартайгаа ярьж тохиролцоод зээлийн эргэн төлөлтөө хойшлуулах, нэг ёсондоо тухайн аж ахуй нэгж дотоод зохицуулалт хийх л боломжтойг Төв банкны удирдлага онцоллоо.

20 мянгатын дэвсгэртийг хуурамчаар үйлдэж захын хорооллын дэлгүүрүүдээр гүйлгээ хийсэн тохиолдол гарчээ. Ингэхдээ өнгөт принтер ашиглаж хуурамчаар үйлдсэн байна. Ирэх сарын нэгнээс 2006 оны 20 мянгатын дэвсгэртийг гүйлгээнээс татаж хамгаалалтын шинэ технологи суулгах ажил өрнөх учраас иргэдийг хуучин дэвсгэртээ банкинд хандан солиулахыг санууллаа. 

Монгол банкны ерөнхийлөгч Б.Лхагвасүрэн: Төв банкны Мөнгөний бодлогын хороо 3-н сарын ихээр хуралдана. Энэ үеэр мөнгөний бодлогын хүүгээ бууруулна. Ингэснээр зээлийн хүү буурна. Ингэхлээр иргэд, бизнес эрхлэгчдэд очих дарамт буурна.

Эдийн засгийг дэмжих тогтоолыг засгийн газраас баталлаа. Энэ хүрээнд нүүрс, газрын тосыг экспортлох ажлыг цаашид эхлүүлэх, ингэснээр энэ үед эдийн засгийн дэмжлэгтэй гэж үзлээ.

Монголбанк нөөцийг нь дахин бүрдүүлэх шаардлагатай болсон 50, 20000 төгрөгийн дэвсгэртүүдэд орчин үеийн технологи бүхий хамгаалалтын шинэ элементүүдийг оруулан шинэчлэн сайжруулж, гүйлгээнд гаргахаар боллоо.

Монголбанкны Ерөнхийлөгчийн тушаалаар 2006 онд үйлдвэрлэгдсэн 20,000-тын дэвсгэртүүдийг ирэх сарын 1-ний өдрөөс эхлэн гүйлгээнээс татахаар боллоо. 2006 оны энэхүү дэвсгэрт нь хамгаалалтын элемент хангалтгүй байдагаас уг дэвсгэртийг ихэвчлэн хуурамчаар үйлдэх гэмт хэрэг цагдаагийн байгууллагад бүртгэгддэг байна. Иргэн, аж ахуйн нэгжүүд хуучин дэвсгэртээ арилжааны банкуудаар дамжуулан солиулах боломжтой юм.

Монгол Улсын иргэн бүр Таван толгой ордоос 1072 ширхэг хувьцаа эзэмшиж байгаа. Сүүлийн 10 жил амь ороогүй байсан энэ хувьцаа ирэх 5-р сард ашгаа өгөх гэж байна. Нийт 2 сая 5 мянган иргэн ногдол ашиг хүртэх тооцоог хийжээ. Иргэд ашгаа хүртэхийн тулд "Эрдэнэс Тавантолгой" компанид хэдэн мянгаараа хандаж байна. Тийм учраас данс нээлгэх үйл явцыг илүү хялбар болгоход анхаарч байгаагаа компанийн удирдлагууд мэдээллээ.

Өнөөдөр зээлдэгчдийн холбооноос мэдээлэл хийлээ. Олон улсад үүсээд байгаа онцгой нөхцөл байдлын үеэр банк санхүүгийн байгууллагыг ч нийгмийн хариуцлагатай байж уян хатан шийдвэр гаргахыг хүслээ.  Учир нь хорио цээрийн дэглэмийн үеэр ихэнх иргэдийн орлого тасарч байгаа учраас төрийн гурван өндөрлөг болон холбогдох албаныханд хандан банкны зээл болон зээлийн хүүг царцаах асуудлаар санал хүргүүлж байгаа юм. Энэ саналыг УИХ-ын нэр бүхий гишүүд ч дэмжиж байгаагаа илэрхийлсэн байна.  

Өнөөдөр Эрдэнэс-Тавантолгой” ХК-ийн ТУЗ хуралдаж хувьцаа эзэмшигчиддээ ногдол ашиг өгөх шийдвэр гаргалаа. Үүнтэй холбоотой Уул уурхай, хүнд үйлдвэрийн сайд Д.Сумьяабазар, “Эрдэнэс-Тавантолгой” ХК-ийнТУЗ-ийн дарга Б.Баярсайхан болон Гүйцэтгэх захирал Б.Ганхуяг нар “Эрдэнэс-Тавантолгой” ХК-ийн Төлөөлөн Удирдах Зөвлөл мэдээлэл өглөө. “Эрдэнэс-Тавантолгой” ХК-ны 1072 ширхэг хувьцаа эзэмшигч иргэдийн нэгж хувьцаанд 90 төгрөг олгох бөгөөд нийт 96480 төгрөг олгохоор болсон.

2020 оны 2 дугаар сарын 16-ны өдөр явагдсан НӨАТ-ын урамшууллын сугалааны тохирлоор 31449394 дугаар тодорч 5 сая төгрөгийн нэг азтан шалгарчээ. Харин 30 саяын азтан тодорсонгүй. Сугалаанд 2020 оны нэгдүгээр сарын 1-нээс 31-нийг хүртэлх өдрүүдийн бүх баримт хамрагдсан юм.

Credit: https://www.newsletter.co.uk/

Эдийн засаг

Залилан мэхлэх гэмт хэргийн гаралт жилээс жилд ихэсч байгаа юм. Хэргийн дийлэнх хувийг цахим залилан мэхлэх гэмт хэрэг эзэлж байна.

Эрүүл мэндийн сайдын А/64 дүгээр тушаалын дагуу шинэ коронавирусын халдвараас урьдчилан сэргийлэх, хариу арга хэмжээ авах үйл ажиллагааг шуурхай зохион байгуулан ажиллаж байна.

НӨАТ-ын урамшууллын 2020 оны 02 дугаар сарын сугалааны тохирлын нэвтрүүлэг 02-р  сарын 16-ны Ням гарагт 19.15 цагт Боловсрол телевизээр орон даяар шууд явагдана.

НӨАТ-ын буцаан олголтыг 2020 онд УЛИРАЛ бүр олгоно. Нэмэгдсэн өртгийн албан татварын буцаан олголтыг улирал бүр буюу 1 дүгээр улирлын буцаан олголтыг тус оны 4-р сард, 2 дугаар улирлын буцаан олголтыг 7-р сард, 3-р улирлын буцаан олголтыг 10-р сард, 4-р улирлын буцаан олголтыг дараа оны 1-р сард багтаан иргэдэд олгож байхаар болсон.

Улсын их хурлын байнгын хороод намрын чуулганы ажлаа тайлагнаж эхэлсэн. Өнөөдөр эдийн засгийн байнгын хороо хэвлэлийн бага хурал хийлээ. Өнгөрсөн хугацаанд 20 удаа хуралдаж 42 асуудал хэлэлцсэн байна. Оюун толгойн гэрээний хэрэгжилтийг дахин шалгаснаас гадна FATF олон улсын байгууллагын саарал жагсаалтаас гарах асуудалд гол анхаарлаа хандуулжээ.

Монгол Улсын засгийн газар өнөөдөр 20 гаруй асуудлаар хуралдаж шийдвэр гаргалаа. Нэмэгдсэн өртгийн албан татварын 2019 оны буцаан олголтыг иргэдэд хүргэх асуудлыг мөн ярилцсан байна. Энэ сарын 10 буюу ирэх Даваа гарагаас иргэдийн дансанд шилжүүлэхээр төлөвлөжээ. 

Олон улсын валютын сангийн санхүүжилтийн өргөтгөсөн хөтөлбөр манай улсад хэрэгжиж, энэ оны тавдугаар сард дуусна. Төв банкны зүгээс энэ хөтөлбөрийг үр дүнтэй болсон гэж дүгнэж байна. Манай улсад тус Олон улсын валютын сангийн санхүүжилтийн өргөтгөсөн хөтөлбөр эхэлж байхад эдийн засагт үүсээд байсан гадаад болон дотоод хүндрэлтэй байдлууд шийдэгдэж эхэлсэн байна. Мөн төсвийн алдагдал буурсан зэрэг үр дүн гарсан гэлээ. Харин энэхүү хөтөлбөрийн цаашид хэрэгжүүлэх эсэх асуудлыг дараагийн гарах Засгийн газартай ярих нь илүү баталгаатай гэдгийг Монгол банкны мөнгөний бодлогын газрын захирал онцоллоо.

Шалгагдаж байгаа 996 иргэний 2.1 тэрбум төгрөгийн баримтыг Татварын ерөнхий газраас эрсдэлтэй гэж үзсэн учраас шалгаж байгаа гэж мэдэгдлээ. Эдгээр иргэдийн дунд нэг өдрийн дотор шатахуун түгээх станцаар 16 удаа үйлчлүүлж 73 сая төгрөгийн баримт бүртгүүлсэн тохиолдол байгаа юм.  Эрсдэлтэй гэж үзсэн худалдан авалтын баримтаас үүдэн зарим иргэдийн И-баримтын мөнгөн дүн буурчээ. Энэ нь таны буцаан авах мөнгө алга болсон гэсэн үг биш. Харин Татварын ерөнхий газраас шалгаж байгаа баримтын хэмжээ гэсэн үг юм байна.

Газрын тосны бүтээгдэхүүнээ 100 хувь импортоор авдаг манай улсын хувьд үнийн савалгаанд өртөх эрсдэл элбэг. Шатахууны үнэ өсдөг асуудалд арга хэмжээ авахаар зарим арга хэмжээг авахаар салбар яам ажиллаж байна. Тодруулбал, АИ-92 шатахуун дээр "хэджинг" хийхээр судалгааны ажил үргэлжилж байна. Үүний үр дүнд АИ-92 шатахууны үнийг барих боломжтой болох юм.

Манай улс иргэдийнхээ худалдан авалтын хоёр хувийг буцаан олгодог журамтай. Тэгвэл банкны зээлийн хүү ч энд багтдаг байна. Өөрөөр хэлбэл зээлийн хүүнд төлсөн мөнгөнийхөө хоёр хувийг иргэд буцаан авах зохицуулалтай. Гэтэл буцаан олголт хийх журам, хууль хоёр нь зөрчилдөж энэ асуудал таг гацсан байна. Манай сэтгүүлч энэ сэдвээр сурвалжилга бэлтгэлээ.

НӨАТ-ын урамшууллын 2020 оны 1 дүгээр сарын сугалааны тохирлын нэвтрүүлэг 1-р сарын 19-ний Ням гарагт 19.10 цагт Боловсрол телевизээр орон даяар шууд явагдана.

ҮСХ-ноос нийгэм, эдийн засгийн байдлыг танилцууллаа. Өнгөрсөн 12 дугаар сард хэрэглээний бараа, үйлчилгээний үнэ улсын хэмжээнд өмнөх сараас 0.6 хувиар өссөн үзүүлэлттэй байна. Харин 2018 оны мөн үетэй харьцуулахад 5.2 хувиар өсчээ. Бараа, үйлчилгээний үнэ өсөхөд хүнсний болон эмнэлгийн үйлчилгээ зэргийн үнэ голлон нөлөөлсөн байна.