Топ мэдээнүүд

Grid List

УИХ-ын үйл ажиллагаа цахим хэлбэрт шилжиж, Төрийн ордонд болох бүх үйл ажиллагаа тодорхойгүй хугацаанд хойшиллоо. Өнөөдрөөс эхлэн иргэдэд үйлчлэх 11-11 төвөөр дамжуулан төрийн ордонд иргэдийг нэвтрүүлэхийг хориглолоо.

Дэлгэрэнгүй ...

Боловсролын салбарт эрс шинэчлэл хэрэгтэй байгааг Улсын их хурлын гишүүд хэлж байна. Жилийн жилд сургууль, цэцэрлэг хүрэлцээгүй, багш нар нь цалин бага, сургалтын хөтөлбөр нь ойлгомжтой биш гээд олон асуудал үүсэж байдгийг онцоллоо. Тийм учраас цогц өөрчлөлт оруулахаар шийдэж ирэх оны дунд гэхэд дуусгахаар төлөвлөсөн байна. Боловсрол хүн бүрт чухал асуудал учраас иргэдээс санал авах ажлыг эхлүүлжээ.

Дэлгэрэнгүй ...

Улсын дээд шүүхийн шүүгчийг ШЕЗ-өөс сонгон шалгаруулж УИХ-д танилцуулснаар МУ-ын Ерөнхийлөгч батламжлан томилдог хуультай. Дээд шүүхийн шүүгчээр захиргааны хэргийн давж заалдах шатны шүүхийн шүүгч Ц.Цогт, хуульч С.Батхүлэг нарыг байнгын хороонд танилцуулсан.

Дэлгэрэнгүй ...

Хүн амын талаас илүү хувь суурьшиж байгаа нийслэл хотыг утаанаас салгах гэж сүүлийн 10 гаруй жил 20 гаруй засгийн газар олон төсөл хөтөлбөр хэрэгжүүлж, олон зуун сая долларыг үр дүнгүй зарцуулсан. Харин У.Хүрэлсүхийн засгийн газар жил гаруйн хугацаанд утааг 50-иас илүү хувиар бууруулж энэ онд 80 хувьд хүргэх томоохон зорилт тавиад байна.

Дэлгэрэнгүй ...

Энх цагт золгүй эндэгдэл, нас баралтын шалтгаанаараа монгол улс дэлхийн бусад орнуудтай харьцуулахад дээгүүр үзүүлэлттэй явдгийг мэргэжлийн хүмүүс хэлж байна. Уг нь бол эрүүл аюулгүй орчинд ажиллаж амьдрах эрхийг үндсэн хуулиараа тунхаглахаас эхлээд хүний эрхийн бүхий л гэрээ конвенцед манай улс нэгдсэн байдаг.

Дэлгэрэнгүй ...

Улсын их хурлын хууль зүйн байнгын хороо Дээд шүүхийн шүүгчийг томилох асуудал дээр маргасаар байна. Шүүхийн ерөнхий зөвлөлөөс нэр дэвшүүлсэн Батхүлэгийг байнгын хорооны гишүүд ямар ч тохиолдол дэмжихгүй гэдгээ өнөөдөр дахин илэрхийллээ. Бие даасан, хараат бус байдлаар ажиллах ёстой Дээд шүүхийн шүүгч аль нэг компанийн харъяат байхыг хэзээ ч зөвшөөрөхгүй гэдгийг хуульч гишүүд хэлж байгаа юм. Хэд ч оруулж ирсэн дэмжихгүй гэдгээ ч онцоллоо.

Дэлгэрэнгүй ...

Улаанбаатар хотын автзамын түгжрэл дээд цэгтээ хүрч тэг зогсолт хийсэн нь саяхан. 1.4 сая хүн амьдарч байгаа энэ хотыг түгжрэлгүй болгохын тулд янз бүрийн санаа гаргасаар байна. Тэгвэл нийслэлээс сонгогдсон гишүүд энэ асуудалд ямар байр суурьтай байгааг тодрууллаа.

Дэлгэрэнгүй ...

Манай улс цар тахлын үед хэрэгжүүлэх хууль баталсан. Хөл хорио, эдийн засгийн дэмжлэгээс эхлээд хөл хорионы үед хэрэгжүүлэх арга хэмжээг зохицуулах юм. Тэгвэл энэ хуулийн төслийн хэрэгжилтийг нягтлах Улсын их хурлын түр хорооны гишүүд солигдлоо. Шинэ гишүүд эхний ээлжинд 21 хоногийн тусгаарлалтыг дахин судлахаар болсон байна.

Дэлгэрэнгүй ...

Дэлхийн топ 10 төслийн тоонд багтах Оюу толгойн гэрээг өнгөрсөн парламентын үед шалгасан. Монгол Улсад ашиг биш өр үлдэх учраас яаралтай өөрчлөх шаардлагатай гэсэн дүгнэлт гараад байгаа юм. Мөн татвартай холбоотой асуудал үүсч олон улсын арбитрын шүүх дээр ч очоод байна. Тэгвэл эдгээр асуудал бүрэн шийдэгдэх хүртэл 4-5 жил шаардагдана гэдгийг Улсын их хурлын гишүүд хэлж байна. Тийм учраас ирэх долоо хоногт засгийн газраас бүрэн мэдээлэл авч нухацтай хэлэлцэнэ гэдгийг Их хурлын дарга онцоллоо.

Дэлгэрэнгүй ...

Энэ удаагийн парламент тэтгэврийн реформ хийнэ гэдгээ мэдэгдэж хуулийн төсөл өргөн барьсан. Хэрвээ одоогийн системээр үргэлжилбэл 2030 он гэхэд Тэтгэврийн сан дампуурна гэж үзэж байгаа юм. Гэвч өчигдөр хуралдсан байнгын хорооны хуралдаан дээр энэ хуулийн төсөл дэмжлэг авч чадсангүй. Сонгууль бүрээр улстөрийн намууд шоу болгож ярьдаггүй байхын тулд ойрын хугацаанд шийдвэрлэх ёстой гэж зарим гишүүд хэлж байна. 

Дэлгэрэнгүй ...

УИХ-ын гишүүн Ж.Чинбүрэн: Хорооны өрхийн эмнэлгүүдийн компьютерууд нь хүчин чадал их муу байна. Тэр 800 хятадаас хураасан компьютеруудаа өгчихөж болдоггүй юм уу?

Дэлгэрэнгүй ...

УИХ-ын чуулганы нэгдсэн хуралдаанаар Малын хөлийн татвар авах хуулийн төслийг хэлэлцэж эхэллээ. Энэ хуулийн төслийг УИХ-ын гишүүд дэмжиж байгаагаа илэрхийлж байна. Гэхдээ хуулийн төсөлд зарим нэг засч залруулах зүйлүүд байгааг гишүүд хэлж байна.

Дэлгэрэнгүй ...

Улсын их хурлын нэгдсэн чуулган, байнгын хороодын хуралдааны үеэр гишүүд дураараа явдаг, хурал даргалагчийн микрофоныг булаадаг, цаггүй ярих, ёс бус үйлдэл үзүүлэх зэрэг асуудлыг дэгийн тухай хуулиар зохицуулахаар төлөвлөж байна. Хуулийн төслийг өнөөдөр өргөн барилаа. Улсын их хурал дахь цөөнхийн бүлэг энэ хуулийн төслийг дэмжиж байгаагаа илэрхийллээ. Ялангуяа гишүүдийн ёс зүйн асуудлыг нарийвчлан тусгах  ёстойг онцолсон байна. 

Дэлгэрэнгүй ...

Үндсэн хуулийн өөрчлөлтөөр нэгдсэн чуулган 75 өдөр хуралдаж, төсвийн хэлэлцүүлэг засгийн газрын өргөн барьснаас гажихгүй гээд олон онцлог энэ удаагийн чуулганд багтах юм. Мөн цар тахлын дараах эдийн засгаа сэргээх чухал үүрэг даалгавар ирж байгааг Улсын Их Хурлын дарга Занданшатар онцлон хэллээ. Банкны зээлийн хүүг бууруулахаас эхлээд саарал жагсаалтаас эдийн засгаа гаргах, шүүхийн хараат бус байдлыг хангах, засаг захиргаа нутаг дэвсгэрийн тухай хуулийг өөрчлөх гээд амжуулах ажил гишүүдийн өмнө байгааг ч санууллаа. 112 хууль тогтоомж хэлэлцэхээр төлөвлөсөн намрын чуулганы нээлтээс мэдээлэл хүргэе.

Дэлгэрэнгүй ...

Улсын их хуралд өргөн барьж, хэлэлцүүлэг нь эхлээгүй 100 гаруй хуулийн төсөл байна. Санаачилсан гишүүд нь Улсын их хуралд дахин сонгогдож чадаагүй хуулийн төсөл дийлэнхийг эзэлж байгаа юм. Ийм хуулийн төслийг буцаах нь зүйтэй гэж Монгол Ардын Намын бүлэг үзсэн байна.

Дэлгэрэнгүй ...

УИХ-ын даргын дэргэдэх зөвлөл хуралдаж намрын ээлжит чуулганаар хэлэлцэх асуудлын тов дарааллыг баталсан байна.

Дэлгэрэнгүй ...

Ирэх сарын 15-ны өдрөөс эхлэн төрийн 181 үйлчилгээ цахим хэлбэрт шилжинэ. Иргэд цонхноос цонхны хооронд цаас зөөдөг байдал арилж гарын үсгээс эхлээд бүх бичиг баримт нэгдсэн системд холбогдох юм. Мөн энэ онд багтаан төрийн үйлчилгээнээс албан бичгийн хэрэглээг бүрэн халах төлөвлөгөөг ч боловсруулжээ. Системийн бэлэн эсэхийг манай сэтгүүлч тодрууллаа.

Дэлгэрэнгүй ...

Шүүхийн тухай хуульд нэмэлт өөрчлөлт оруулахаар Улсын их хурлын ажлын хэсэг судалж эхэлсэн. Тэдний хийх хамгийн чухал ажил бол шүүгчийн хараат бус байдал. Өнөөдөр шүүгчийг ерөнхийлөгч эсвэл үндэсний аюулгүй байдлын зөвлөмжөөр томилж, чөлөөлдөг. Энэ нь хонгил хэмээх зүйл хадгалагдсаар байгаагийн том шалтгаан гэдэгтэй хуульчид санал нэг байна. Өөрөөр хэлбэл хонгилын эзэн өөрчлөгдөхөөс хонгил нурахгүй. Тийм учраас ямар зохицуулалт хамгийн зөв болох вэ гэдгийг хуульчид хайж эхэллээ.

Дэлгэрэнгүй ...

Сонгуулийн ерөнхий хорооны үйл ажиллагааг 11 жил удирдсан дарга нарыг Улсын их хурал өнөөдөр солилоо. Орон нутаг, Улсын их хурал, ерөнхийлөгчийн сонгуулийг амжилттай зохион байгуулсныг гишүүд онцлон хэллээ. Харин шинээр томилогдож байгаа Сонгуулийн ерөнхий хорооны гишүүдийг өргөсөн тангарагтаа үнэнч байж, сонгуулийг шударгаар зохион байгуулахыг захилаа.

Дэлгэрэнгүй ...

Өнгөрсөн долоо хоногт эхэлсэн ээлжит бус чуулганаар төсвийн тодотгол болон зээлийн хүүг бууруулах тогтоолын төсөл зэргийг хэлэлцэж илүү үр дүнтэй тогтоолын төслийг боловсруулахаар гишүүд санал бодлоо солилцсон.

Дэлгэрэнгүй ...

Нийгэмд тулгамдсан ядуурал, архидалт, хүчирхийлэл, гэмт хэрэг, хүүхэд эмэгтэйчүүдийн эрх, тэдний хамгаалал гээд орхигдож байгаа олон асуудлыг шийдвэрлэх чиглэлд УИХ-ын эмэгтэй гишүүд ажиллахаар бүлэг байгуулж байгаагаа албан ёсоор мэдэгдлээ.

Дэлгэрэнгүй ...

Монгол Улсын найм дахь удаагийн Их хурлын анхны ээлжит бус чуулган өнөөдөр эхэллээ. Улс орны өмнө яаралтай шийдвэрлэх ажлууд хүлээгдэж байгаа учраас төрийн эрх барих дээд байгууллага ажлаа шуурхайлж байгааг Улсын их хурлын дарга хэллээ. Ээлжит бус чуулганаар коронавирусний улмаас эдийн засагт үүсч байгаа хүндрэлийг даван туулахын тулд нэгдсэн төсвөө тодотгож, эдийн засгийн зарим асуудлыг шийдвэрлэхээр төлөвлөсөн байна.

Дэлгэрэнгүй ...

УИХ-ын дарга Г.Занданшатар УИХ-ын ээлжит бус чуулганыг 2020-08-17-нд эхлүүлэх захирамж гаргасан. Чуулганаар:

Дэлгэрэнгүй ...

Улсын их хурал найман байнгын хороотой. Тэгвэл шинэ парламент дахин гурван байнгын хороо нэмж 11 болгож байна. Үүнд Улсын их хурлын гишүүний ёс зүй, сахилга хариуцлагын байнгын хороо, инновац цахим бодлогын байнгын хороо, үйлдвэржилтийн бодлогын байнгын хороог шинээр байгууллаа. Мөн нэг байнгын хороонд 10-11 гишүүн харъяалагдаж ажиллах юм. Ингэснээр нэг байнгын хороо тодорхой цөөн асуудалд анхаарал хандуулах боломж бүрдэнэ гэж үзэж байна.

Дэлгэрэнгүй ...

Монгол Улсын 31 дэх Ерөнхий сайдаар улиран томилогдсон У.Хүрэлсүх засгийн газраа эмхлэн байгуулж байна. Түүний тэргүүлэх засгийн газрын бүтэц 14 яам, 17 сайдтай байхаар улсын их хурлаар батласан.

Дэлгэрэнгүй ...

Оюу толгойн хөрөнгө оруулалтын гэрээ Монголын улс төрийн мөнхийн сэдэв болоод 10 гаруй жил өнгөрч байна. Шинээр бүрэлдсэн парламентын зарим гишүүд ч анхны хуралдаанаасаа эхлээд энэ асуудлыг хөндөж эхэллээ. Гэрээг бүрэн цуцлах, эсхүл шууд өөрчлөх боломж тэр бүр байхгүй. Харин ажлын хэсэг байгуулж сайжруулах, үр өгөөжийг нь нэмэгдүүлэх анхаарч байгааг Засгийн газрын хэрэг эрхлэх газрын дарга Оюун-Эрдэнэ хэллээ.

Дэлгэрэнгүй ...

Ирэх дөрвөн жил ажиллах Монгол Улсын засгийн газрын бүтцийг Улсын их хурал хэлэлцэн баталж дууслаа. Өмнөх засгийн газрын бүтэц дээр Соёлын яам нэмэгдэж бусад нь хэвээрээ үлдэж байна. Ингэснээр 14 яам, 17 сайдтайгаар Монгол Улсын засгийн газар үйл ажиллагаагаа явуулах юм. Өнөөдөр яамд болон сайд нарын эрхлэх асуудлуудыг тодорхой болгож баталлаа.

Дэлгэрэнгүй ...

Шинэ парламентын анхдугаар чуулган үргэлжилж УИХ дахь МАН-ын бүлгийг 62 гишүүнтэйгээр байгуулж бүлгийн даргаар УИХ-ын гишүүн Д.Тогтохсүрэнг томиллоо. Олонхийн бүлэгт УИХ-ын гишүүн Ж.Эрдэнэбат багтаж байгаа юм.

Дэлгэрэнгүй ...

УИХ-ын ээлжит сонгуулиар бүрдсэн найм дахь удаагийн парламент өнөөдөр ажлаа эхэллээ. Сонгуулийн дүн будлиангүй, шударга явагдсан гэж үзсэн учраас ерөнхийлөгч анхдугаар хуралдааныг товлон зарлаж, гишүүд тангаргаа өргөлөө. Гишүүний тангарагт авлига ашиг сонирхлоос ангид ажиллана гэдэг шинэ өгүүлбэр багтсан байна. Энэ удаагийн парламентад 38 гишүүн шинээр ажиллах бол эмэгтэй гишүүн 13 сонгогдлоо. Насны хувьд Улсын Их Хурлын гишүүн Баделхан хамгийн ахмад нь буюу 66 настай бол хамгийн залуу нь Учрал гишүүн 33 настай юм. Анхдугаар чуулганд Монгол Улсын 0рөнхийлөгч оролцож үг хэллээ.

Дэлгэрэнгүй ...

Найм дахь удаагийн сонгуулийн дүнгээр бүрдсэн шинэ парламентын анхдугаар чуулганыг өнөөдөр 12:00 цагт товлон зарлалаа. Өчигдөр УИХ-ын гишүүний түр үнэмлэхээ авсан 76 гишүүнийг УИХ-ын даргад танилцуулсан бол өнөөдөр СЕХ 11:00 цагт МУ-ын Ерөнхийлөгчид танилцуулах юм.

Дэлгэрэнгүй ...

2020 оны ээлжит сонгуульд ялалт байгуулсан 76 хүн өнөөдөр Улсын их хурлын гишүүний үнэмлэхээ гардан авлаа. Үнэмлэхүй суудал авсан Монгол Ардын Намын гишүүдийн хувьд мөрийн хөтөлбөрөө хэрэгжүүлэх, улс орны эдийн засгийг дахин сэргээхэд бүхий л хүчээ дайчлан ажиллахаа хэллээ. 8 дахь удаагийн парламентын шинэ гишүүдийн үнэмлэхийг хуулийн дагуу Сонгуулийн ерөнхий хорооны удирдлагууд гардуулан өглөө.

Дэлгэрэнгүй ...

Монгол Улсын Их Хурлын 2020 оны ээлжит сонгуульд ялалт байгуулсан 76 нэр дэвшигч өнөөдөр (2020.06.29) Төрийн ордны Их танхимд Монгол Улсын Их Хурлын гишүүний үнэмлэхээ гардан авлаа.

Дэлгэрэнгүй ...

Занданшатар даргатай Улсын их хурал олон жил яригдсан Үндсэн хуулийн өөрчлөлтийг хийж чадсан. Шинэ зүйл заалт багтсан Үндсэн хууль ирэх Даваа гарагийн 12 цагаас эхлэн хүчин төгөлдөр хэрэгжих гэж байна. Гэхдээ бүх зохицуулалт шууд биелнэ гэсэн үг биш гэдгийг хуульч, Улсын их хурлын даргын зөвлөх Ж.Сүхбаатар хэллээ. Үндсэн хуулийн зарим зүйл заалтыг амилуулахын тулд бусад хуулиа нийцүүлэн өөрчилнө. Энэ ажил 2020 онд багтан дуусах ёстойг онцоллоо. 

Дэлгэрэнгүй ...

Энэ удаагийн Улсын их хурлын сонгуульд цахим орчинг ашиглах зохицуулалтыг хуульчилж өгсөн. Нам эвсэл, нэр дэвшигч өөрийн гэсэн албан ёсны нэг хуудсаар мэдээлэл хүргэх юм. Харин нууц хаяг нээж, бусдыг доромжлон гутаах зэрэг асуудлыг Шударга өрсөлдөөн хэрэглэгчийн төлөө газар, цагдаагийн байгууллага, Харилцаа холбооны зохицуулах хороо давхар хянахаар болсон байна. Өнөөдрийн байдлаар ийм зөрчилтэй 30 гаруй пэйж хуудсыг илрүүлжээ.

Дэлгэрэнгүй ...

2020 оны УИХ-ын сонгуульд нэр дэвшигчдийн хөрөнгө, орлогын мэдүүлгийг бүртгэж, хүлээн авах үйл ажиллагаа дууссан. 5-р сарын 19-ний 24:00 цагт АТГ-ын цахим систeм хаагдахад 647 нэр дэвшигч хөрөнгө, орлогоо мэдүүлжээ.

Дэлгэрэнгүй ...

НҮБ-ын Ази, Номхон далайн эдийн засаг, нийгмийн комисс тодорхой сэдвийн хүрээнд жил бүр хуралддаг. Энэ жил коронавируст халдварын улмаас цахимаар хуралдаж байна. Хуралдааныг Гадаад харилцааны сайд Д.Цогтбаатар даргалан хуралдуулсан юм. Хуралд дэлхийн 54 орны төлөөлөгчид оролцлоо.

Дэлгэрэнгүй ...

Хууль батлах дээд байгууллага Улсын их хурлын хаврын чуулган завсарлалаа. 2016 оны сонгуулиар бүрдсэн парламент нийт 124 хуулийн төсөл баталж, дунджаар 66 хувийн ирцтэй ажилласан байна. Занданшатар даргатай парламент олон жил яригдсан Үндсэн хуулийн өөрчлөлтийг хийж чадсан нь түүхэн үйл явдал байлаа. Монголын 7 дахь удаагийн парламент өнөөдөр сүүлийн хуралдаанаа хийж дуусгалаа. Одоо ирэх 6-р сард болох сонгуулийн үр дүнгээр дараагийн парламент ажлаа авах юм.

Дэлгэрэнгүй ...

Үндсэн хуулийн нэмэлт өөрчлөлтийг энэ сарын 25-ны өдрийн 12:00 цагаас улс даяар мөрдөж эхлэнэ. Эцэг хуулиа хориод жилийн дараа шинэчлэн мөрдөхтэй холбоотой УИХ арав гаруй хуульд өөрчлөлт оруулж байгаа. Өнөөдөр Засгийн газрын тухай хуулийг УИХ-аар эцсийн хэлэлцүүлгийг хийн баталлаа. Ингэснээр Ерөнхий сайд танхимаа өөрөө бүрдүүлэх эрхтэй болохоос гадна дөрвөөс илүүгүй сайд УИХ гишүүн байж болохгүй болж байна. Мөн УИХ-аар Засгийн газрын гишүүний тангараг өргөн журмыг хэлэлцэн баталлаа.

Дэлгэрэнгүй ...

УИХ хаврын ээлжит чуулганыг энэ долоо хоногт хаахаар төлөвлөн хэлэлцэх хуулийн төслүүдийг шуурхайлж эхлэсэн. Гэхдээ дэлхий нийтэд тархаад байгаа цар тахлын эрсдэл намжаагүй тул шаардлага гарвал хэдийд ч хуралдахад бэлэн байхаар төлөвлөжээ. Харин чуулганы хуралдааныг хаахаас өмнө Эрдэнэт үйлдвэртэй холбоотой санхүүгийн луйврыг засгийн газраас УИХ-ын гишүүдэд танилцуулах хэрэгтэйг Засгийн газрын хэрэг эрхлэх газрын дарга онцоллоо.

Дэлгэрэнгүй ...

Эрдэнэт үйлдвэрт санхүүгийн онц дэглэм тогтоосон. Хуулийн байгууллага нарийвчилсан шалгалт хийж байгаа юм. Жил гаруй хугацаа өнгөрсөн шалгалтаар Монгол Улсын Ерөнхийлөгч асан Элбэгдоржтой холбоотой 270-280 сая долларын хэрэг үүсч магадгүйг Засгийн газрын хэрэг эрхлэх газрын дарга Л.Оюун-эрдэнэ хэллээ.

Дэлгэрэнгүй ...

Энэ удаагийн Улсын их хурлын сонгуульд өрсөлдөх нэр дэвшигчид бүгд Авлигатай тэмцэх газарт хөрөнгө орлогын мэдүүлгээ хүргүүлэх учиртай. Сонгуулийн өмнө ямар хөрөнгөтэй байсан, дууссаны дараа хэрхэн өөрчлөгдсөнийг эндээс харж болох юм. Нэр дэвшигчид мэдүүлгээ ирэх Бямба гараг гэхэд Авлигатай тэмцэх газарт цахимаар өгөхөөр зохицуулалт хийгджээ.

Дэлгэрэнгүй ...

УИХ-аар өнгөрсөн оны 12 р сард Сонгуулийн тухай хуулийг шинэчлэн батлахдаа авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглох заалт оруулсан. Уг заалтыг нэр бүхий иргэд Үндсэн хууль зөрчиж байна гэж үзэн цэцэд гомдол гаргасан. Тэгвэл Үндсэн хуулийн цэц дунд суудлын хуралдаанаараа дээрх заалт нь Үндсэн хууль зөрчөөгүй гэх шийдвэрийг гаргасан юм.

Дэлгэрэнгүй ...

Улаанбаатар хотын нийтийн тээврийн үйлчилгээнд шинэ төрөл нэвтрүүлэх, агаарын бохирдлыг бууруулах зорилтын хүрээнд Нийслэлийн засаг даргын тамгын газар, Франц Улсын Пома компанитай хамтран дүүжин замын тээврийн төслийг хэрэгжүүлэхээр ажиллаж байна.

Дэлгэрэнгүй ...

Засгийн газраас хот байгуулах тухай тогтоолын төслийг өргөн барьсныг УИХ-аар хэлэлцэх нь зүйтэй гэж үзлээ. Тодруулбал, Төв аймгийн нутагт Майдар, Айросити гэх хоёр хотыг байгуулж нийслэлийн хүн амын төвлөрөл агаар хөрсний бохирдлыг бууруулахаар төлөвлөсөн.

Дэлгэрэнгүй ...

Үндсэн хуулийн нэмэлт өөрчлөлттэй холбоотой Засгийн газрын тухай хуульд нэмэлт өөрчлөлт оруулах төслийн анхны хэлэлцүүлгийг хийлээ. Хуулийн төсөлд Ерөнхий сайд болон засгийн газрын гишүүдийн дөрвөөс илүүгүй нь УИХ-ын гишүүн байж болно, Ерөнхий сайд УИХ, Ерөнхийлөгчид танилцуулсны үндсэн дээр засгийн газрын гишүүнийг томилох, чөлөөлөх, огцруулах эрхтэй, Ерөнхий сайд огцорвол засгийн газар бүрэлдэхүүнээрээ огцрох, улсын төсөв болон бодлогын тодорхой асуудлаар Ерөнхий сайдад итгэл хүлээлгэх тогтоолын төслийг УИХ-д өргөн мэдүүлэх зэрэг 38 зүйлтэй төсөл өргөн баригдсан юм.

Дэлгэрэнгүй ...

УИХ-ын чуулганы хуралдаанаар Зэвсэгт хүчний тухай хуульд нэмэлт өөрчлөлт оруулах хуулийн төслийн анхны хэлэлцүүлгийг хийж эхэллээ. Тус хуулийн өөрчлөлтөөр барилга, инженерийн цэргийн бие даасан анги бий болгох зохицуулалтыг оруулж байна. Ингэснээр цэргийн алба хашиж байгаа залуусыг барилга, инженерийн чиглэлээр мэргэшүүлэн сургаж улсын хэмжээний томоохон бүтээн байгуулалтад өндөр цалинтай ажиллуулахаар төлөвлөсөн байна.

Дэлгэрэнгүй ...

Улсын Их Хурал өнөөдөр хэд хэдэн томилгоо хийлээ. Удаан хугацаанд шийдгүй байсан Бүгд Найрамдах Хятад Ард Улс, Бүгд Найрамдах Солонгос Улсад суух элчин сайд нарыг үүрэгт ажилд нь илгээлээ. Манай улсын иргэд хамгийн их зорчдог хоёр орон учраас хариуцлагатай ажиллахыг гишүүд сануулсан байна. Мөн элчин сайд нарын асуудлыг Үндэсний аюулгүй байдлын зөвлөл хэлэлцэж томилох нь зүйтэй гэдэг дээр санал нэгдсныг Их хурлын дарга дуулгалаа.

Дэлгэрэнгүй ...

Улсын хурал Алсын хараа-2050 хөгжлийн барим бичиг хэлэлцэж эхэллээ. Нэг нам гарч ирээд бүх ажлыг өөрчилдөг биш хөгжлийн үндсэн төлөвлөгөөг энд багтаагаад байгаа юм. Уул уурхай, мал аж ахуй, бизнес, хүн амын өсөлт, гадаад харилцаа гээд бүгдийг багтаасан байна. Өөрөөр хэлбэл, 2050 оны дүр зургийг өнөөдөр харахыг оролдож байгаа юм. Үндсэн хуулийн дараа хөгжлийн баримт бичиг гэж тодорхойлсон "Алсын хараа-2050"-ийг хэлэлцэж эхэллээ.

Дэлгэрэнгүй ...

Монголбанкны тэргүүн дэд ерөнхийлөгчийн суудал эзэнгүй байсан. Тэгвэл тэргүүн дэд ерөнхийлөгчөөр Төрийн банкны захирал Г.Дөлгөөнийг томилохоор санал болголоо. Өнөөдөр Эдийн засгийн байнгын хороо хэлэлцэж дэмжсэн байна. Монголбанкны тэргүүн дэд ерөнхийлөгчийн томилгоог Улсын их хурал хийх юм.

Дэлгэрэнгүй ...