Топ мэдээнүүд

Grid List

Засгийн газрын өнөөдрийн хуралдаанаар Тавантолгой Гашуунсухайт, Тавантолгой Зүүнбаян чиглэлийн төмөр замыг хооронд нь холбох тусгай чиг үүргийн компани байгууллаа.

Дэлгэрэнгүй ...

Монгол Улсын Гадаад харилцааны сайд Н.Энхтайван ОХУ-д хийж буй айлчлалынхаа хүрээнд Евразийн эдийн засгийн комиссын Худалдааны сайд А.А.Слепнев, ОХУ-ын Аж үйлдвэр, худалдааны орлогч сайд В.Л.Евтухов нартай 2020 оны 9 дүгээр сарын 22-ны өдөр уулзав.

Дэлгэрэнгүй ...

Монгол Улсын Гадаад харилцааны сайд Н.Энхтайван ОХУ-д хийж буй албан ёсны айлчлалынхаа хүрээнд ОХУ-ын Холбооны Хурлын Төрийн Думын орлогч дарга А.В.Гордеевтай 2020 оны 9 дүгээр сарын 21-ний өдөр уулзав. Гадаад харилцааны сайд Н.Энхтайван уулзалтын эхэнд Монгол Улсын Их Хурлын удирдлагаас ноён А.В.Гордеевт илгээсэн мэндчилгээг уламжилж, түүний Монгол-Оросын харилцааны хөгжилд оруулсан хувь нэмрийг монголын тал өндрөөр үнэлдгийг тэмдэглэв.

Дэлгэрэнгүй ...

Монгол Улсын Гадаад харилцааны сайд Н.Энхтайван ОХУ-д хийж буй албан ёсны айлчлалынхаа хүрээнд ОХУ-ын Гадаад хэргийн сайд С.В.Лавровтай 2020 оны 9 дүгээр сарын 21-ний өдөр албан ёсны хэлэлцээ хийв. Гадаад харилцааны сайд нар хэлэлцээний үеэр хоёр талын харилцаа, бүс нутаг, олон улсын хамтын ажиллагааны өргөн хүрээний асуудлаар санал солилцов.

Дэлгэрэнгүй ...

Монгол Улсын Ерөнхий сайд Хүрэлсүх эрүүл мэндийн салбарт ажиллаж зарим үүрэг даалгавар өглөө. Коронавируст халдварын үед нийт хүн төрөлхтөн эмч нартаа л найдаж байгаа. Манай улс ч байнга бэлэн байх шаардлагатай гэдгийг Ерөнхий сайд  санууллаа. Мөн иргэдээ эрүүл саруул байхад нь анхаарч, засгийн газрын зүгээс шаардлагатай бүхий л арга алхамыг хэрэгжүүлнэ гэдгээ онцолсон байна.

Дэлгэрэнгүй ...

Манай улсад тендер тойрсон маргаан тасардаггүй. Тендер зохион байгуулалтаас эхлээд үнэлгээний комиссын үнэлгээ шударга бус явагдсан, тендерт ялагдсан компани нь шүүхэд гомдол гаргана зэргээр төрийн худалдан авах ажиллагааг гацаадаг байдал өнөөдрийг хүртэл үргэлжилж байгаа.

Дэлгэрэнгүй ...

Монгол Улсын Гадаад харилцааны сайд Н.Энхтайван ОХУ-ын ГХ-ийн сайд С.В.Лавровын урилгаар 2020 оны 9 дүгээр сарын 20-22-ны өдрүүдэд ОХУ-д албан ёсны айлчлал хийнэ.

Дэлгэрэнгүй ...

Монгол Улсын Гадаад харилцааны сайд Н.Энхтайваны урилгаар Бүгд Найрамдах Хятад Ард Улсын Төрийн зөвлөлийн гишүүн, Гадаад хэргийн сайд Ван И-гийн Монгол Улсад хийж буй айлчлал өнөөдөр эхэллээ.

Дэлгэрэнгүй ...

Өнөөдөр үдээс хойш Гадаад харилцааны сайд Н.Энхтайваны урилгаар БНХАУ-ын Гадаад хэргийн сайд Ван И манай улсад айлчлах юм. Айлчлалын үеэр гадаад харилцааны сайд нарын ганцаарчилсан уулзалт, яриа хэлэлцээрт гарын үсэг зурах, мөн төрийн өндөрлөгүүдэд бараалхах юм.

Дэлгэрэнгүй ...

Улсын их хурлын цахим бодлогын  хороо төрийн үйлчилгээг ялангуяа, эмнэлэг боловсролын байгууллагыг бүрэн цахимжуулах хөтөлбөрийг эхлүүлсэн. Иргэд шинжилгээний хариунаас эхлээд  эмнэлэгт үзүүлэх оочер дугаар авахдаа цахимаар холбогдох бол багш, эцэг эх, сурагчид хичээлээ онлайнаар хийж хоорондоо холбодох боломжийг бүрдүүлээд байгаа юм. Тэгвэл энэ ажил Ирээдүй цогцолбор сургууль болон Сонгинохайрхан дүүргийн нэгдсэн эмнэлэгт хэрэгжихээр болсон байна.  

Дэлгэрэнгүй ...

Ирэх долоо хоногт манай улсад Бүгд Найрамдах Хятад Ард Улсын Гадаад хэргийн сайд Ван И айлчлах гэж байна. Хятадын Гадаад хэргийн сайд болон бусад албаны төлөөлөгчид Оросын Холбооны Улс болон бусад улс оронд хийх айлчлалаа дуусгаад манай улсад ирэх юм. КОВИД-19 халдвараас сэргийлж байгаа цаг үе гэдгээрээ айлчлал өмнөхөөсөө нэлээд өвөрмөц хэв маягтай, онцлогтой болохоор байна. Хятадын төлөөлөгчид болон уулзсан хүмүүсийг тусгаарлан шинжилгээнд хамруулахаас гадна уулзалт хийх танхим, хоол идэх газрыг хүртэл урьдчилан бэлтгэхээр төлөвлөжээ. 

Дэлгэрэнгүй ...

“Өмнөд Бүсийн Цахилгаан Түгээх Сүлжээ” ТӨХК болон “Оюу Толгой” ХХК хамтран “Цахилгаан эрчим хүчээр хангах гэрээ”-нд гарын үсэг зурлаа. Оюу Толгойн орд газрыг ашиглаж эхэлснээс хойш буюу 2013 оноос уурхай БНХАУ-ын Өвөр Монголын Өөртөө Засах Орон эрчим хүчний системээс импортын цахилгаан эрчим хүч авч ирсэн. Тэгвэл уг гэрээг байгуулснаар “Оюу Толгой” уурхайн цахилгаан эрчим хүчний зарим хэрэглээг дотоодоосоо хангах боломжтой боллоо.

Дэлгэрэнгүй ...

Хуш модны самар түүж болно, болохгүй гэсэн маргаан сошиал орчинд дүүрчээ. Тэгвэл Байгаль орчин, аялал жуулчлалын яамнаас дэлгэрэнгүй мэдээлэл өглөө. Манай улсын ойн сангийн ердөө 5-хан хувийг хуш мод эзэлдэг. Харин унах болоогүй самрыг авахын тулд иргэд хуш модыг ихээр сүйтгэдэг байна. Хэрвээ энэ янзаараа үргэлжилбэл ирээдүйд бид самар гэдэг зүйлийг дахин олж харахгүй гэдгийг мэргэжилтнүүд санууллаа. Өнөөдрийн байдлаар гэхэд манай улсад байгаа нийт хуш модны 40 хувь нь иргэдийн буруутай үйл ажиллагаанаас үүдэн дахин самар өгөх боломжгүй болсон байна.

Дэлгэрэнгүй ...

Коронавируст халдварын улмаас дэлхийн эдийн засаг хүндэрч, улс орнууд төсвөө тодотгож эхэлсэн. Нийтээр нь аваад үзвэл ихэнх улс орны орлого дунджаар 30 орчим хувиар буурчээ. Энэ цаг үед манай улс ч мөн адил төсөвтөө гар хүрч байна. Чухал биш зардлаа танаж байгаагаас гадна коронавирусний аюулаас хамгаалах аргыг огт орхигдуулаагүй гэдгийг Монгол Улсын шадар сайд Я.Содбаатар хэллээ. Тухайлбал вакцин батлагдвал худалдаж авах зардалд 7.8 тэрбум төгрөг тусгасан гэдгийг онцоллоо.

Дэлгэрэнгүй ...

Гадаад улс оронд гацсан 12 мянга гаруй иргэн эх орондоо буцах хүсэлтээ ирүүлээд байна. Тусгай үүргийн онгоц илгээхдээ тусгаарлах байрны хүрэлцээнд тохируулж байгааг онцоллоо. Нэг дор бүх иргэдээ авчрах боломж байхгүй ч гадаадад гацсан иргэддээ санхүүгийн дэмжлэг үзүүлэх асуудлыг судалж эхэлсэн байна.

Дэлгэрэнгүй ...

ОХУ-тай хамтран ажиллаж буй тухай: Гадаад харилцааны сайд Н.Энхтайван, Дэд сайд Б.Мөнхжин нар ОХУ-аас Монгол Улсад суугаа Элчин сайд И.К.Азизовыг өнгөрсөн 7 хоногт хүлээн авч уулзан, хамтын ажиллагааны асуудлаар ярилцлаа. 

Дэлгэрэнгүй ...

Өнөөдрийн байдлаар эх орондоо ирэх хүсэлт илгээсэн 12 мянга гаруй иргэн байна. Дэлхий нийтийн нөхцөл байдлаас хамаарч энэ тоо цаашид ч нэмэгдэх төлөвтэй байгааг МУ-ын Шадар сайд онцоллоо. Үүнтэй холбоотойгоор тусгай үүргийн онгоцоор ирэх хүсэлтэй иргэдээс хахууль авч оочир дараалалд оруулж байна гэх асуудал цахим орчинд хөврөх болсон. Дээрх асуудалтай холбоотой шалгалт явуулж байгааг Шадар сайд хэллээ.

Дэлгэрэнгүй ...

Монгол Улсыг 2021-2025 онд буюу ирэх таван жилд хэрхэн хөгжүүлэх үндсэн чиглэлийг засгийн газар боловсруулж УИХ-ын даргад өргөн барьсан. Уг асуудлыг өнөөдөр эдийн засгийн байнгын хороооны хуралдаанаар хэлэлцэж нэгдсэн чуулганд танилцуулахаар боллоо. Нийт 9 бүлэгтэй байх үндсэн чиглэлийг боловсруулахдаа дундаж давхарга буюу дундаж орлоготой иргэн гэж хэнийг хэнийг тодорхойлохыг судалгааны байгууллагаар тогтоожээ.

Дэлгэрэнгүй ...

Хууль зүй, дотоод хэргийн яамнаас хууль, эрхзүйн шинэтгэлийн чиглэлээр 11 зорилтыг тусгаж, хэрэгжүүлэхээр 34 хуулийн төсөл, 1 хөтөлбөр боловсруулж, батлуулахаар тусгаад байна.

Дэлгэрэнгүй ...

Засгийн газрын ээлжит хуралдаан өнөөдөр болж Монгол Улсын засгийн газрын 2020-2024 оны үйл ажиллагааны хөтөлбөр батлах тухай УИХ-ын тогтоолын төслийг өргөн барихаар шийдвэр гаргасан байна.  

Дэлгэрэнгүй ...

Өнөөдөр БОАЖ-ын сайд Д. Сарангэрэл Монгол Улсад суугаа элчин сайдуудтай уулзлаа. Унгар, Австрали, Их Британи, Умард Ирландын Нэгдсэн Вант Улсаас Монгол Улсад суугаа эчин сайдууд мөн НҮБ-ын хөгжлийн хөтөлбөрийн Монгол дахь суурин төлөөлөгчийн орлогч Нашида Сатар болон ДЭМБ-ын Монгол дахь суурин төлөөлөгч Сергей Диордица нартай уулзлаа. Уулзалтаар хэрэгжүүлж байгаа төсөл хөтөлбөр болон цаашдын хамтын ажиллагааны тухай ярилаа.

Дэлгэрэнгүй ...

Улсын тусгай хамгаалалт бүхий 32.8 сая га газрыг улсын хэмжээнд 34 хамгаалалтын захиргаа хариуцан нийт 476 байгаль хамгаалагч үүрэг гүйцэтгэн ажиллаж байна. Тиймээс салбарын сайд эх орон, онгон дагшин байгалиа хамгаалахад үнэтэй хувь нэмэр оруулж буй байгаль хамгаалагчиддаа мотоцикл гардуулан өглөө. 

Дэлгэрэнгүй ...

Монгол Улсын шадар сайд Я.Содбаатар үүрэгт ажлаа хүлээж авснаас хойш 21 аймгийг бүсчилсэн байдлаар тойрч ажиллахаар төлөвлөсөн. Тэрбээр энэ удаад говийн бүсийн аймгуудад ажиллаж байна. Говийн бүсийн аймгуудын удирдлагуудтай хийх уулзалтаа Дундговь аймгийн төв Мандалговь хотод хийж байна.

Дэлгэрэнгүй ...

Улсын хэмжээнд тусгай хамгаалалтын 34 газар бий. Түүний удирдлагуудыг өнөөдөр БОАЖ-ын сайд Д.Сарангэрэл хүлээн авч уулзлаа. Уулзалтаар байгаль орчин, аялал жуулчлалын салбарт тулгамдаж байгаа асуудал, тэдгээрийг хэрхэн шийдвэрлэх, мөн одоогийн мөрдөгдөж байгаа хууль тогтоомж, дүрэм журамд өөрчлөлт оруулах талаар хэлэлцсэн юм.

Дэлгэрэнгүй ...

Засгийн газрын ээлжит хуралдаан болж, 2020 оны улсын төсөвт өөрчлөлт оруулах тухайн хуулийн төслийг хэлэлцжээ. Засгийн газраас гарсан шийдвэрийг Сангийн сайд танилцууллаа.

Дэлгэрэнгүй ...

Монгол Улсын Ерөнхий сайд У.Хүрэлсүх Улсын аварга П.Бүрэнтөгсийг хүлээн авч уулзан баяр хүргэж амжилт хүсэв.  Увс аймгийн Давст сумын харьяат, “Алдар” спорт хороо, “Увс нуур” дэвжээний бөх, улсын арслан  П.Бүрэнтөгс Тулгар төрийн 2229 жил, Их Монгол Улс байгуулагдсаны 814 жил, Ардын хувьсгалын 99 жилийн ой, Үндэсний их баяр наадмаар ес даван түрүүлж Монгол Улсын аварга цол хүртсэн юм.

Дэлгэрэнгүй ...

Ковид-19 коронавируст халдварын улмаас эдийн засаг нь зогсонги байдалд орж, иргэдийн орлого буурсан зэрэг  хүндхэн сорилтуудтай дэлхийд улс орнууд нүүр тулж байна.  Манай улсад ч нөхцөл байдал ижил түвшинд байгаа. Гэхдээ засгийн газраас эдийн засгийн сэргээх, эрчимжүүлэх чиглэлээр тодорхой арга хэмжээнүүдийг авч хэрэгжүүлэхийн зэрэгцээ шаардлагатай нэмэлт санхүүжилт дайчилж байна.

Дэлгэрэнгүй ...

Монгол Улс 2020 оны 01 сараас “Ковид-19” цар тахлаас иргэдээ хамгаалах зорилгоор өндөржүүлсэн бэлэн байдалд шилжиж хилээ хаасан. Улмаар эдийн засаг зогсонги байдал орж экспорт эрс буурснаар төсвийн орлого 2020 оны эхний хагас жилийн байдлаар 1.2 их наяд төгрөгөөр тасраад байна.

Дэлгэрэнгүй ...

Өнөөдөр болсон Засгийн газрын хуралдаанаар  бүх шатны сургалтын байгууллагын хичээлийг 09 дүгээр сарын 01-нээс үе тшаттайгаар эхлүүлэхээр шийдвэрлэлээ.

Дэлгэрэнгүй ...

Наймдугаар сард 14 удаа захиалгат нислэг үйлдэн 3500 орчим иргэнийг татаж авахаар Улсын онцгой комисс шийдвэрлэв.

Дэлгэрэнгүй ...

Өндөржүүлсэн бэлэн байдлын хугацааг сунгалаа. Дэлхий дахинд цар тахлын тархалт, өвчлөл буурахгүй байна. Мөн зарим улс хөл хориогоо сулруулснаас үүдэн цар тахлын өвчлөл улам нэмэгдсэн. Иймд манай улс онцгой байдлын дэглэмийг 8 сарын 31 хүртэл сунгах саналыг УОК гаргажээ.

Дэлгэрэнгүй ...

Улсын онцгой комиссын хуралдаанаар ирэх есдүгээр сарын 1-ний өдрөөс бүх шатны сургууль, цэцэрлэгийн үйл ажиллагааг үе шаттай нээн ажиллуулах шийдвэрийг гаргалаа.

Дэлгэрэнгүй ...

Монгол Улсын Засгийн газар, Улсын онцгой комиссоос гадаад улс оронд байгаа эх орондоо ирэх хүсэлтэй иргэдээ татан авах ажиллагааг тасралтгүй зохион байгуулж байна. Энэ долдугаар сард нийт 15 удаагийн нислэг үйлдэхээр төлөвлөсөн. 

Дэлгэрэнгүй ...

МУ-ын Шадар сайдаар ахлуулсан УОК-ын гишүүд Өвөрхангай аймагт ажиллалаа. Тэрээр хангайн бүсийн аймгийн засаг дарга нартай уулзаж, өвөлжилтийн бэлтгэл ажлыг хангах хүрээнд тодорхой чиг үүрэг өглөө.

Дэлгэрэнгүй ...

Монгол Улсын Засгийн газар, Улсын онцгой комиссын шийдвэрийн дагуу гадаад улсад байгаа эх орондоо ирэх хүсэлтэй иргэдийг татан авах ажиллагааг 2020 оны 01 дүгээр сарын 28-аас эхлэн зохион байгуулж, өнөөдөр буюу 07 дугаар сарын 24-ны өдрийн байдлаар 14371 иргэнийг агаарын, газрын, төмөр замын тээврээр татан аваад байна.

Дэлгэрэнгүй ...

Иргэдээс ирж буй санал, шүүмжлэлийг харгалзан татан авах ажиллагаатай холбоотой зарим мэдээллийг ил тод болгох чиглэлийг Улсын Онцгой комиссын даргаас өгсөнтэй холбоотойгоор хилийн чанадад суугаа Монгол Улсын Дипломат төлөөлөгчийн газруудад хандан нутаг буцах хүсэлт гаргасан монгол иргэдийн бүртгэлийг олон нийтэд ил тод болгох чиглэлийг Гадаад харилцааны яамнаас нийт Элчин сайдын яам, Ерөнхий консулын газартаа өгөөд байна.

Дэлгэрэнгүй ...

УИХ-ын дарга Г.Занданшатар Дорноговь аймагт ажиллаж байна. Алтанширээд баригдаж буй нефть боловсруулах үйлдвэрийн бүтээн байгуулалтын ажилтай өнөөдөр танилцлаа.

Дэлгэрэнгүй ...

ОБЕГ-ын дарга, хошууч генерал Т.Бадрал БНХАУ-д суух Онц бөгөөд Бүрэн эрхэт Элчин сайдаар томилогдсонтой холбогдуулан Засгийн газрын 2020 оны 07 дугаар сарын 16-ны өдрийн 15 тоот тогтоолоор ОБЕГ-ын даргаар бригадын генерал Г.Ариунбуянг томиллоо.

Дэлгэрэнгүй ...

Монгол Улсын Шадар сайд, Үндэсний их баяр наадмыг зохион байгуулах хорооны дарга Я.Содбаатар өнөөдөр Үндэсний их баяр наадамд түрүүлж, үзүүрлэн, шөвгөрсөн бөхчүүдэд бай шагнал гардуулж, чимэг олголоо.

Дэлгэрэнгүй ...

Манай улс ковид-19 цар тахлаас сэргийлж өндөржүүлсэн бэлэн байдлын зэрэгт шилжсэн. Улсын хил хаахаас эхлээд зарим хязгаарлалтуудыг энэ сарын 15 хүртэл тогтоогоод байгаа юм. Тэгвэл өнөөдөр засгийн газар хуралдаж өндөржүүлсэн бэлэн байдлын зэргийг дахин 15 хоногоор сунгалаа.

Дэлгэрэнгүй ...

Дэлхийд цар тахал дэгдэж олон улс орон хилээ хаагаад байна. Вирусний хоёр дахь давалгаа нэгэнт эхэлсэн гэж үзэж байгаа учраас улсын хилийг нээх боломжгүйг Улсын онцгой комиссоос мэдээллээ. Харин тусгай нислэг илгээж иргэдээ авах ажил үргэлжилнэ. Энэ сард гэхэд 3 мянган иргэнээ авахаар төлөвлөсөн байна. Олноор ирж байгаа иргэдийг тусгаарлах байр хангалтгүй учраас аж ахуй нэгжүүдээс дэмжлэг хүсэхээр болжээ.

Дэлгэрэнгүй ...

МУ-ын Ерөнхий сайд У.Хүрэлсүх шинээр томилогдсон сайд нарт захирамж гардуулан өглөө. Ингэснээр шинэ засгийн газрын үйл ажиллагаа албан ёсоор эхэлж байна.

Дэлгэрэнгүй ...

Монгол Улсын Засгийн газар нь Ерөнхий сайд, Шадар сайд, Засгийн газрын Хэрэг эрхлэх газрын дарга болон асуудал эрхэлсэн 14 яамны сайд гээд нийт 17 гишүүнтэйгээр үйл ажиллагаа явуулна.

 

Дэлгэрэнгүй ...

Засгийн газрын тэргүүн танхимын бүтцээ тодорхойлж МУ-ын Ерөнхийлөгчтэй зөвшилцсөний үндсэн дээр УИХ-ын төрийн байгуулалтын байнгын хороонд танилцууллаа.

Дэлгэрэнгүй ...

Монгол Улсын 31 дэх Ерөнхий сайдын тэргүүлэх засгийн газар эдийн засгийн хүнд сорилттой тулгарна гэдгийг мэргэжлийн хүмүүс хэлж байгаа. Учир нь дэлхий нийтээр тархсан цар тахлын дэгдэлтээс үүдэлтэй эдийн засгийн хүндрэл оны хоёр дугаар хагаст хүчтэй мэдрэгдэнэ гэдгийг эдийн засагчид сануулсан. Тэгвэл улс төрийн ууган хүчин МАН бага хурлын гишүүдийнхээ 100 хувийн саналаар намын дарга Ухнаагийн Хүрэлсүхийг дахин Ерөнхий сайдад нэр дэвшүүлсэн.

Дэлгэрэнгүй ...

Хоёр долоо хоногийн дараа Үндэсний их баяр наадам болох гэж байна. Ковид-19 халдвараас урьдчилан сэргийлж Улсын наадмыг хүн цуглуулахгүй байхаар бодолцсон. Наадамчин олон нэг газар цуглахгүйгээр телевизийн шууд нэвтрүүлгээр эрийн гурван наадмаа хүлээн авч үзэх юм. Харин, аймаг, сумдын наадмыг нээлттэйгээр зохион байгуулахаар шийдсэн байна.

Дэлгэрэнгүй ...

Үндэсний Их баяр наадмыг зохион байгуулах хорооны ээлжит хурал боллоо. “Тулгар төрийн 2229, Их Монгол Улсын 814 жил, Ардын Хувьсгалын 99 жилийн ойн Үндэсний Их баяр наадмын бэлтгэл ажлын талаар мэдээлэл сонсож, тулгамдаж буй зарим асуудлыг хэлэлцэн шийдвэрлэв.

Дэлгэрэнгүй ...