Халуун сэдэв

Өнөөдөр Эрдэнэс Монгол Компани, Эрдэнэс Силвер Ресурс компани болон Монголбанкны хооронд "Үнэт металл худалдах, худалдан авах хамтын ажиллагааны гэрээ" байгуулах ёслол боллоо. Энэ ёслолд УИХ-ын дарга оролцсон юм. 

Монголбанк болон “Эрдэнэс Монгол” компанийн охин компани болох “Эрдэнэс силвер ресурс” компанийн хооронд байгуулсан таван жилийн гэрээний үр дүнд валютын нөөц нэмэгдэх, мөнгөө түүхий эдээр нь бус эцсийн бүтээгдэхүүн болгон дотооддоо нийлүүлэх боломж бүрдэж байгааг албаныхан онцоллоо. Салхитын мөнгөний орд нь 700 гаруй мянган тонн мөнгөний нөөцтэй гэж батлагдсан байдаг.

Таван жилийн хугацаанд 750 тонн мөнгө олборлож, цэвэршүүлж Монголбанкинд тушаах зорилготой ажиллах юм байна. Эхний жилд 25-30 тонн мөнгө цэвэршүүлэхээр төлөвлөжээ. Үйлдвэр ирэх оны зургаадугаар сараас бүрэн хүчин чадлаараа ажиллахыг компанийн зүгээс онцолж байна. Салхитын мөнгөний орд нь стратегийн орд биш. Хэдий тийм ч Салхитын мөнгөний ордоос гаргаж авсан мөнгөө Монголбанкны Эрдэнэсийн санд тушааж байгаа нь Монгол улсын гадаад валютын нөөц нэмэгдэхэд эерэг нөлөө үзүүлж байгааг УИХ-ын дарга хэлсэн үгэндээ онцоллоо.

Салхитын мөнгөний ордыг өнгөрсөн оны сүүлээр төрийн мэдэлд шилжүүлсэн байдаг. Төрийн мэдэлд буюу Эрдэнэс Монгол компанийн охин компани болох Эрдэнэс Силвер Ресурс компанийн мэдэлд шилжсэнээс хойш 500 сая ам.долларын нөөц бүрдүүлэх хэмжээний цэвэр мөнгө олборлон цэвэршүүлээд байгаа юм байна.

 

ФЭЙСБҮҮК ШУУД