Нийгэм

Өчигдөр Нийслэлийн 380 жилийн ойн өдөр нийслэлийн оршин суугчдын тав тух, амгалан байдлыг хангахын төлөө олон жил идэвх зүтгэлтэй, үр бүтээлтэй ажилласан зам талбайн мастер, хог тээврийн машины жолооч,  Орон сууц нийтийн аж ахуйн удирдах газрын машинист,  Ус сувгийн удирдах газрын бохирын шугамын засварчин,  Зорчигч тээврийн нэгтгэлийн 1 дүгээр баазын автобусны жолооч гээд 5 эрхэм Үйлчилгээний гавьяат ажилтан болсон. Тэдний нэг Нийслэлийн хот тохижилтын газрын зам талбайн мастер Д.Баянжаргалтай өнөөдөр манай сэтгүүлч уулзаж гавьяат болсны маргааш өдрийнх нь ажлыг сурвалжиллаа.  

https://www.facebook.com/TV5Mongolia/videos/419892332004750/

Д. Баянжаргал гуай хот тохижилтын газрын зам талбайн мастер. Тэрбээр 16 хүний хамт өдөрт 114 мянга гаруй квадрат метр талбайг хариуцан цэвэрлэдэг байна. Тэдний ажил үүрийн гэгээнээс үдшийн бүрий хүртэл үргэлжилдэг.

ОЛОН ЖИЛ ЗАМ, ТАЛБАЙ ЦЭВЭРЛЭСЭН Д. БАЯНЖАРГАЛ ҮЙЛЧИЛГЭЭНИЙ САЛБАРЫН ГАВЪЯАТ АЖИЛТАН БОЛЛОО

Хүмүүс хоггүй, цэвэр цэмцгэр зам, талбайгаар алхаж, их хот өнгөтэй үзэмжтэй харагдах нь юунаас ч илүү сайхан санагддаг. Хүн ажлыг голж шилэхээ урьтал болголгүй сэтгэл, зүтгэлээ урьтал болгох нь чухал хэмээн Д. Баянжаргал гуай ярьж байсан юм.