Нийгэм

Нийслэлийн томоохон дэлгүүр худалдааны төвүүдэд нэгэн өвөрмөц машин суурилуулжээ. Энэ машинд хуванцар сав, цаас гээд хогоо хаяснаар мөнгөн урмшуулал авах юм. Харин таны хаясан хогийг дахин боловсруулна гэдгийг санаачлагчид нь хэлж байна.

Хогоо ангилж хаях эхний алхам бүрдээд байна. Тодруулбал, үзэгч та бүхний харж байгаа энэ машинд уусан ус ундааны сав, лааз, жижиг цаасан хайрцаг хийх юм. Дэлгэцэн дээрх зааврын дагуу хийснээр таны тушаасан хоёрдогч түүхий эд дараагийн дамжлаг болох үйлдвэрт хүргэгдэх юм. Харин иргэн та сав лаазны хогоо энэ машинд хийснээр 10, 20 төгрөгийг хуримтлуулах боломжтой юм.

Таны хаяж буй сав дотроо ямар нэгэн шингэн зүйлгүй байх ёстой юм байна. Мөн утсандаа Монголчат аппликейшн суулгаж, хог хаягдал тутмаас орж буй өртөг таны данс руу шууд орж байх юм.

Монгол Улс жилд дунджаар 20 мянган тонн хуванцрын хаягдал гаргадаг байна. Дийлэнх буюу 15 мянган тонныг ундаа усны сав эзэлдэг. Эдгээрээс ердөө 30 хувийг дахин боловсруулж, үлдсэнийг байгальд хаядаг гэдэг. Монгол Улс жилд 150-200 сая ширхэг ус, ундаа үйлдвэрлэн, үнийн дүнгийн 10-20 хувийг савлагааны өртөгт шингээдэг байна.