Нийгэм

Дэлхийн олон улс орон сургууль цэцэрлэгийн үйл ажиллагааг хэсэгчлэн нээж байгаа энэ өдрүүдэд халдвар хамгааллын дүрмээ сайтар баримтлахыг санууллаа. Харин өнгөрсөн 24 цагт манай улсад коронавирусний гурван тохиолдол бүртгэгдсэн байна. Казахстан Улсаас тусгай нислэгээр ирсэн иргэд халдвартай нь батлагдаж яаралтай эмчилгээ эхлүүллээ.

Наймдугаар сарын 30-ны өдөр Нурсултан-Улаанбаатар чиглэлийн тусгай үүргийн онгоцоор 318 хүнийг эх оронд нь авч ирсэн. ХӨСҮТ, Дархан-Уул аймгийн салбар лабораториудад дээрх иргэдээс шинжилгээ авахад гурван хүнээс Ковид-19 халдвар илэрсэн байна. Өнөөдрийн байдлаар тусгаарлалт ажиглалтад 3815 хүн байгаагаас өчигдөр 25 хүн ажиглалтаас гарч 409 хүн шинээр ажиглалтад оржээ.

Манай улсад коронавируст халдварын зөөвөрлөгдөн орж ирсэн тохиолдол 304 болсон бол эдгэрсэн хүн 295 байна. Эдгэрсэн хүмүүсийн 29 нь сувилалд 40 гэрийн ажиглалтад, 226 хүний ажиглалтын хугацаа дуусчээ. Харин ХӨСҮТ-д одоогоор 9 хүн эмчлүүлж байгаа. Тэдний биеийн байдал хэвийн гэлээ. Хичээлийн шинэ жил эхэлж байгаатай холбоотой халдвар хамгааллын дэглэмийг сайтар баримтлахыг Эрүүл мэндийн яамнаас онцгойлон санууллаа.

Ойрын жилүүдэд ЕБС-ийн ачаалал өсөх хандлагатай байгааг ийнхүү хэлж байна. Азийн зарим орнуудад коронавируст халдвар дахин идэвхижиж байгаагийн гол шалтгаан нь хүний бөөгнөрөл гэдгийг ДЭМБ-аас онцлон мэдэгджээ. Тиймээс эцэг эхчүүд болон, багш сурагчид халдвар хамгааллын дэглэмийг сайтар мөрдөх хэрэгтэйг хэллээ.

ФЭЙСБҮҮК ШУУД ҮЗЭХ