Нийгэм

Манай улсад хүнсний салбарын 90 жилийн ой тохиож байна. Олон хүн цугласан арга хэмжээ явуулах боломжгүй учраас эссэ бичлэгийн сонирхолтой уралдаан зарлаж дүнгээ гаргажээ. Хүнс гэдэг энгийн зүйл мэт боловч зөв хэрэглэвэл хамгийн сайн эм, буруу идвэл хамгийн хүчтэй хор болдогийг олон хүн тайлбарлан бичсэн байна. Хүнсний талаарх зөв ойлголт хүргэсэн шилдэг эссэ бичигчдийг танилцуулъя.

Хүний өдөр тутмын хэрэглээ ч  аюулгүй байдал талаас нь анхаарал хандуулдаггүй зүйл нь яах аргагүй хүнс. Тиймээс Хүнсчин миний бахархал эссэ бичлэгийн уралдаанаар дамжуулан хүнсний аюулгүй байдал, хүнсний салбарт ажиллаж байгаа ажилчдын ажлын нөхцөл гээд олон зүйлсийг иргэдэд ойлгуулахыг зорьсон байна. Уралдааны тэргүүн байрын шагналтнууд бидний өдөр тутмын хэрэглээ болох сонгино сармисыг ямар байдлаар хадгалах юунд анхаарах гээд энгийн хэрнээ эрхэм зөвлөгөөг өгсөн юм.

Хүнсний хэрэглээнд хадгалалт хамгийн чухал гэдгийг уралдааны тэргүүн байрын шагналтнууд онцолж байна. Бид хугацаа, сав баглаа боодолд анхаардаг ч ямар байдлаар хэрхэн хаана хадгалсан гэдэгт төдийлөн анхаардаггүй нь буруу гэдгийг хэлж байна. Энэ онд хүнсний салбарын 90 жилийн ой тохиож байгаа юм. Ойн хүрээнд олон арга хэмжээ төлөвлөсөн гэдгийг хэлж байна.

Б. БАТТУЛГА: ТАЛЛАСАН СОНГИНО, САРМИСЫГ СҮҮ ТАРАГТАЙ ХАМТ ХАДГАЛАХ ХАМГИЙН БУРУУ

Уралдаанд нийт 41 бичвэр ирсэнээс хүнсний салбарт ажиллаж буй 37 ажилтан, ерөнхий боловсролын сургуулийн сурагчид, их дээд сургуулийн оюутнууд оролцсон байна. Үүнээс хамгийн өндөр үнэлгээг Сүү ХК-ийн технологич 88,090 хандалт авч тэргүүн байр эзэлжээ.