Credit: AFP

Үйл явдал

Энэтхэг эр улс оронд нь намжихгүй улам дэгдээд байгаа коронавируст халдвараас өөрийгөө хамгаалахын тулд захиалгаар өөртөө 4 мянга орчим ам.доллар өртөгтэй алтан маск  хийлгэжээ. 2 унци буюу 60 гр жинтэй үнэт металлыг урлахад дархан хүмүүс 5 өдөр зарцуулсан гэж тэрээр дурдсан байна. 

Түүнийг Шанкар Курхаде гэдэг, Энэтхэгийн баруун хэсгийн Пүүн хотод үйлдвэрлэл эрхэлдэг юм. 

"Энэ бол их нимгэн маск, өчүүхөн нүхүүдтэй, түүгээр нь би амьсгалдаг. Маск намайг коронавируст халдвараас хамгаалахад үр дүнтэй эсэхийг би сайн мэдэхгүй байна гэхдээ би үүгээрээ бусдад сэрэмжлүүлэг өгөхийг хүсч байна"

гэжээ.

Тэрээр гадуур гарахдаа өөрийгөө нэг кг жин бүхий бугуйвч, хүзүүний зүүлт, баруун гарынхаа хуруу бүрт бөгж зүүж алтан үнэт эдлэлээр чимэх дуртай гэнэ. Курхаде хэвлэлээр нэгэн эр мөнгөөр хийсэн маск зүүж байгааг үзсний дараа алтан нүүрний ийм маск хийлгүүлэх санаа авснаа ярьжээ.

Хүмүүс ч түүнтэй селфи авахуулахыг гуйдаг болсон гэнэ

Энэтхэг Улсын хувьд вирусний тархалтыг хязгаарлахын тулд олон нийтийн газарт иргэдээ заавал амны хаалттай явахыг шаардах журам гаргасан. Одоогоор 350 мянга гаруй батлагдсан тохиолдол бүртгэгдснээс 18,600 хүн нас баржээ.