Entertainment

Энэтхэгийн хамгийн алдартай, нэр хүндтэй гэр бүл болох Болливудын супер од Амитабх Баччаны гэр бүлийнхэн COVID-19 коронавируст халдварт өртөн, гэр бүлийнх нь хэд хэдэн гишүүн, тэр дундаа Абхишек Баччан, Айшварайя Рай нарт цар тахлын шинж тэмдэг илрэн, шинжилгээ нь сөрөг гарчээ.  

Энэтхэгт цар тахлын дэгдэлт өдрөөс өдөрт идэвхжиж, нийгмийн янз бүрийн давхаргынханыг хамраад байна. Холливуд болон Болливудад нэртэй, Энэтхэгийн хамгийн алдартай гэр бүлийн гишүүд коронавируст халдвар туссан болох нь тодорхой болжээ. COVID-19 коронавирусын халдвар жүжигчин Амитабх Баччан болон түүний хүү жүжигчин Абхишек Баччан, Дэлхийн гоо бүсгүйгээр шалгарч байсан жүжигчин Айшварайя Рай, мөн тэдний 8 настай охинд илэрч, онош нь батлагджээ. Цар тахлын халдварын улмаас нэртэй гэр бүлийн гишүүдийг Мумбайн эмнэлэгт хэвтүүлж, үе залгамжилсан жүжигчдийн гэр бүлийн нэр алдартай гишүүн коронавируст халдвар туссанд шүтэн бишрэгчид нь ихэд санаа зовинож байна.

COVID-19 цар тахал дэлхийн хамгийн их хүн амтай улс орон болох Энэтхэгт мөн өргөн цар хүрээтэй дэгдээд байгаа юм. Энэтхэг улс цар тахлын үзүүлэлтээр ДЭМБ-ын жагсаалтын 3-р мөрөнд бичигдэж, энэ улсад өнөөдрийн байдлаар 878 мянган тохиолдол бүртгэгдэж, 23 мянга гаруй хүн нас бараад байна.