Хятадын өмнөд хэсэгт байрлах Хайнань арал дээр Ази тивийн Давос гэж нэрлэгддэг Боаогийн эдийн засгийн чуулган болж, өнөөдөр өндөрлөлөө. Энэ сарын 18-21-ний хооронд үргэлжилсэн Боаогийн Азийн эдийн засгийн чуулга уулзалтад дэлхийн 60 гаруй улс орны төр засгийн тэргүүлэгчид цахимаар оролцсон юм. Тэдний дотор Монгол улсын Ерөнхий сайд Оюун-Эрдэнэ чуулганы хуралдаанд онлайнаар оролцжээ.
Чуулганы үйл ажиллагаа 4 үндсэн хэсэгт хуваагдан, 60 гаруй арга хэмжээ, уулзалт зөвлөгөөн, санал шүүмж болжээ. Мөн чуулганы хүрээнд 21-р зууны далайн торгоны замын хөгжил, хөдөө орон нутгийн тогтвортой хөгжлийн асуудлаарх хурал зөвлөгөөн, чуулган хийсэн байна. Чуулганд цахимаар оролцож байгаа дэлхийн улс орнуудын тэргүүлэгчдэд хандан Хятадын төрийн тэргүүн Ши Жинпин тусгай мэдэгдэл хийжээ. Тэрээр мэдэгдэлдээ Хятад улс дэлхийн улс орнуудад нээлттэй хандаж, олон талт харилцаа холбоог эрхэмлэж байгаагаа илэрхийлэн илгээлт хүргүүлжээ.