Беларусийн нутаг дэвсгэрт Орос-Украины хамтарсан яриа хэлэлцээр эхлэхээс өмнө Украины ерөнхийлөгч Володимир Зеленский ээлжит видео мэдэгдлээ хийж, Украин улс ЕХ-ны бүрэлдэхүүнд яаралтай нэгдэх хүсэлтэй байгаагаа илэрхийлжээ.

Орос-Украины албаны төлөөлөгчдийн уулзалт Беларусийн Украины хилээс холгүй байрлах Припять голын эрэг дээрх Гомель мужид болжээ.

Хоёр улсын албаны төлөөлөгчид Беларусийн Гомель мужид хэлэлцээ явуулсан ч эхний удаад Украин дахь хямрал, Оросын талаас явуулж байгаа цэргийн ажиллагааны талаарх байр сууриа илэрхийлэн, цаашид гал зогсоох хэлцэлд хүрэх зорилгоор хэлэлцжээ. Талууд эхний уулзалтаар тодорхой үр дүнд хүрээгүй ч яриа хэлцлээ үргэлжлүүлэхээр тогтсон байна.