Алжирын хойд хэсэгт хүчтэй ойн түймэр дэгдэж, гамшигт үзэгдлийн улмаас 65 хүн амиа алджээ. Түймэрт амиа алдсан хүмүүсийн 37 нь нутгийн иргэд, харин 28 нь гал унтраахад оролцож байсан цэргийнхэн байгаа юм. Гамшигт үзэгдэлд олон хүн өртөн амь насаа алдсанаас шалтгаалан Алжирт 3 хоногийн үндэсний хэмжээний гашуудал зарлажээ.

Английн Лондон хотын шүүх АНУ-аас гаргасан хүсэлтийн дагуу Викилийкс сайтыг үндэслэгч Жулиан Ассанжийг Америкийн талд шилжүүлэн өгөх асуудлыг ирэх 10-р сард хэлэлцэхээр тогтжээ. Лондоны дээд шүүх энэ дагуух урьдчилсан шүүх үйл явцыг эхлүүлсэн байна.

Афганистанд ийнхүү дотоодын нөхцөл байдал хүнд байгаагаас Герман болон Нидерланд улсууд Афганистаны дүрвэгсдийг эх оронд нь буцаах, албадан гаргах үйл явцаа зогсоосон байна. Ингэхдээ энэ шийдвэрээ Талибаны радикал бүлэглэлийн дайчид идэвхжиж, Афганистанд дотоодын нөхцөл байдал тогтворгүй байгаатай холбон тайлбарласан байна.