Америкийн Спейс Икс компани олон удаагийн бүтэлгүй оролдлогын дараа Старшип хөлгөө хөөргөн, амжилттай газардуулж чаджээ. Старшип хөлгийг турших ээлжит туршилт амжилттай болж, сансрын мэргэжилтнүүд хөлгийг 10 км-ийн өндөрт хөөргөн, улмаар зөөлөн газардуулж чадсан байна.
Спейс Икс компанийн Старшип хөлгийг турших үйл явц Техас мужийн зүүн өмнөд хэсэгт байрлах Бока-Чика дахь сансрын полигонд болжээ. Сансрын мэргэжилтнүүд Старшип хөлгийн туршилтын загварыг агаарт 10 км-ийн өндөрт хөөргөн, улмаар босоо шугамаар, босоо байрлалд амжилттай буулгасан байна. Туршилтын үйл явцыг Спейс Икс компанийн тэргүүн Илон Маск биечлэн хянажээ. Старшип хөлгийн өмнөх туршилт 3-р сарын 30-нд болж, газардах үед хөлөг дэлбэрсэн юм. Сансрын хөлөг туршилтын нислэгийн үеэр 10 км-ийн өндөрт гарч, хөдөлгүүрээ унтраан, аэродинамик зогсолт хийж, улмаар хөдөлгүүрээ дахин асааж хөндлөн буулт хийсэн ч газардахаас нэг минутын өмнө дэлбэрчээ. Энэ нь Спейс Икс компанийн Старшип загварын хөлгийн 4 дэх удаагийн амжилтгүй туршилт байсан бол энэ удаагийн туршилт амжилттай болж хөлгийг босоо байдлаар зөөлөн газардуулж чадсан байна.