Японд коронавирусний шинэ хувилбар зөөвөрлөгдөн ирснийг тогтоожээ

Японы эрх баригчид улс оронд нь COVID-19 коронавирусний шинэ штамм буюу мутацид орсон шинэ хувилбар дэгдээд байгааг батлан мэдээлжээ. Цар тахлын шинэ хувилбарын халдвар Японд 100-аад хүнд илрээд байна.

Японы эмч мэргэжилтнүүдийн үзэж байгаагаар улс оронд нь илрээд байгаа коронавирусний шинэ хувилбар гадны улс орноос зөөвөрлөгдөн ирсэн ч Их Британи болон Өмнөд Африкт илэрсэн штаммаас өөр байгааг тэмдэглэж байна. Эсрэг биетэд илүү тэсвэртэй вирусын шинэ штамм нь дэлхий даяар явагдаж эхлээд байгаа цар тахлын эсрэг вакцинжуулах ажилд сөргөөр нөлөөлж болзошгүй гэж эмээж байна. Коронавирусний шинэ хувилбар ийнхүү шинж чанараа өөрчлөн дэгдэж байгаад гадны улс орнууд ихэд болгоомжтой хандаж байна.