Бидний сайн мэдэх “Галзуу хурд” киноны алдарт жүжигчин Дуйэн Жонсон өөрийг нь орон гэргүй байхад тусласан залууд 30 мянган долларын үнэ бүхий машин бэлэглэсэн байна. Түүнийг ОУ-ын хэвлэлүүдэд хамгийн “өгөөмөр алдартан” хэмээн онцолж байгаа юм.

Үргэлж л бусдад туслаж байдаг хэмээн жүжигчин Дуэйн Жонсонг фенүүд нь магтаж байдаг. Түүнийг бүх зүйлээ тэгээс эхэлж, өөрөө амьдралаа бий болгосон гэдэг утгаар нь хамгийн хүнлэг алдартнуудыг нэгээр нэрлэдэг. Хамгийн сүүлд л гэхэд тэрбээр өнгөрсөн долоо хоногт хуучны анддаа 30 мянган долларын үнэтэй Форд Ф-150 машиныг бэлэглэсэн байна. Дуэйн Жонсонг орон гэргүй өсвөр насны хүүхэд байхад найз нь түүнийг өөрийнхөө гэрт байлгаж туслаж дэмжсээр одоо ч тэд сайн харилцаатай байдаг. Түүнд машин бэлэглэсэн дүрсээ Дуйэн өөрийн цахим хуудсандаа хуваалцан,

“чиний сайхан сэтгэл, тусламж миний өнөөдрийн амьдралыг бүтээхэд хамгийн их хувь нэмэр болсон”

хэмээн бичжээ. Түүний найз баярын нулимс унаган, талархаж байгаагаа илэрхийлсэн байна.