АИ-95 автобензин, дизель түлшний үнийг 300 төгрөгөөр буурууллаа

Засгийн газар

Дизель түлш болон АИ-95 автобензиний үнэ литр тутамд 300 төгрөгөөр буурлаа.

Дэлхийн зах зээл дээрх газрын тосны үнэ сүүлийн хоёр жил гаруйн хугацаанд тасралтгүй өссөөр энэ оны 2 дугаар сард баррель тутамд оргил цэгтээ буюу 127 ам.долларт хүрсэн. Харин 6 дугаар сараас бага зэргийн бууралт үзүүлснээр өнөөдөр дотоодын зах зээлд литр нь 300 төгрөгөөр хямдрах боломж бүрджээ. 

АИ-92 автобензиний тухайд, УУХҮЯ-наас өнгөрсөн 3 дугаар сард ОХУ-ын Роснефть компанитай хийсэн хөнгөлөлттэй үнийн хэлэлцээрийг үргэлжлүүлэн сунгахаар болсон бөгөөд үүний үр дүнд өргөн хэрэглээний АИ-92 бүтээгдэхүүнийг 4,5,6 дугаар сард нэг тонныг 840 ам.доллар, он дуустал 830 ам.доллараар худалдан авах боломжийг бүрдүүлсэн.