Хэрэв Та Android гар утаснаас Amazon программаар Kindle ном худалдаж авдаг байсан бол энэ боломж цаашид байхгүй болж байна.
Андройд дээр одоо Amazon аппликейшн ашиглан цахим ном худалдаж авахаар оролдох үед та худалдан авах сонголт яагаад байхгүй болсныг тайлбарласан шинэ дэлгэц рүү шилждэг болсон байна. Хэрэв та апп-ыг шинэчлэх юм бол iOS төхөөрөмж дээр хардагтай ижил төстэй тэмдэглэл болох апп дээр дижитал бүтээгдэхүүн худалдаж авах боломжгүй гэсэн бичиг харах болно. Учир нь Амазон 2011 онд анх iOS төхөөрөмжөөс дижитал ном худалдан авах дэмжлэгээ татжээ. Зорилго нь Apple-ийн App Store-оос дижитал бараа бүтээгдэхүүнд ногдуулдаг "татвар"-аас зайлсхийх явдал байжээ.
Google апп-ууд дижитал бараа худалдан авахад Google-ийн өөрийн тооцооны системийг ашиглаж байна гэж найдаж байсан ч энэ хүлээлтийг хэрэгжүүлэх нь ховор байдаг. Гэвч 6-р сарын 1-ээс эхлэн Google өөрийн төлбөрийн системийн дүрэмд нийцээгүй програмуудыг устгана гэж мэдэгдсэн байна. Тийм ч учраас Amazon 2022 оны 4-р сарын 1-нд Android аппликейшнээр дамжуулан Audible аудио ном худалдан авах дэмжлэгээ зогсоосон байна. Мөн өрсөлдөгч Barnes & Noble 4-р сарын 4-нд аппликейшнээрээ дижитал ном худалдан авах дэмжлэгийг зогсоожээ.