Серби улс COVID-19 цар тахлын эсрэг тэмцэхэд үнэтэй хувь нэмэр оруулж байгаа Хятадын эмч мэргэжилтнүүдийг шагнаж урамшуулжээ. Сербийн ерөнхийлөгч Александр Вучич Хятадын 9 эмч, мөн Хятадын биотехнологийн Бээжин Женомикс институтийг цар тахалтай үр дүнтэй тэмцэж байгааг тэмдэглэн урамшуулжээ.

Серби улс нийтдээ 170 хүн мөн байгууллагыг цар тахлын хүнд цаг үед байгуулсан онцгой гавьяаг нь үнэлэн шагнаж урамшуулжээ. Тэдний дотор Сербийн төдийгүй гадны эмч, эмнэлгийн ажилтнууд, бизнес эрхлэгчид, багш, сэтгүүлч гэхчлэн төрөл бүрийн ажил мэргэжлийн хүмүүс байгаа юм.

Цар тахлын дэгдэлт илэрсэн даруйд Хятад улсаас 9 хүний бүрэлдэхүүнтэй баг ирж, Сербийн эмч мэргэжилтнүүдтэй хамтран коронавирусний эсрэг эмчилгээнд туслан, арга туршлагаасаа хуваалцан өнөөдрийг хүртэл мөр зэрэгцэн ажилласаар байгаа юм.