Хятадад алтны уурхайд гал гарснаас 6 хүн амиа алджээ

Хятадын зүүн хэсгийн Шаньдун мужид алтны уурхайд осол болж, гал гарснаас 6 хүн амиа алджээ. Энэ осол нь он гарснаас хойш хүний амь үрэгдсэн уурхайн 2 дахь осол болсон байна.

Осол Шаньдун мужийн Чао-юань хотод байрлах “Каожава Голд Майн” уурхайд болжээ. Энд уурхайн ажилчид тоног төхөөрөмжөө сольж, үзлэг хийх явцад гал гарсан байна. Энэ явдал өглөөний 6 цагийн алдад болжээ. Гал хоромхон зуурт тэлж асан, 10-аад хүн уурхайд дарагдсан байна. 4 хүнийг аварч чадсан ч 6 хүн амиа алджээ.

Он гарсны дараа, одоогоос сарын өмнө Хятадын Цися хотын алтны уурхайд мөн осол болж, 22 хүн уурхайн гүнд түгжигдсэн юм. Аврагчид хоёр долоо хоногийн туршид аврах ажиллагаа явуулж, уурхайн амыг нээн 11 хүнийг аварсан ч 10 хүн нас барж, нэг хүн сураггүй алга болсонд тооцогдоод байгаа юм.