АНУ-ын нийслэл Вашингтон хотноо дэгдсэн эмх замбараагүй байдал, үймээн самууны улмаас хотод онц байдал тогтоожээ. Энэ арга хэмжээг Вашингтон хотын удирдлага иргэд Конгрессын ордон руу дайрч үймсэн явдлын үеэр гаргаж, хугацааг нь 1-р сарын 21-нийг дуустал 15 хоногоор сунгасан байна. Вашингтон хот, Колумби тойргийн мэр лхагва гарагийн орой дээрх шийдвэрийг гаргажээ. 

АНУ-ын ерөнхийлөгч Трампын дэмжигчид Капитолийн гүвээн дэх Конгрессын ордон руу нэвтрэн, халдаж, үймээн самуун дэгдээсэн явдлын дараагаар нийслэл хотод 15 хоногийн хугацаатай онцгой байдал тогтоожээ. Вашингтон хотын мэр Муриэл Боузер энэ дагуух захирамж гарган, нийслэл хотод болсон үймээн самуун олон нийтийн аюулгүй байдал, иргэдийн амь нас эрүүл мэндэд заналхийлж байгаа учраас хотод онцгой байдлын дэглэм тогтоох шийдвэр гаргасан тухайгаа мэдэгдсэн юм. Онц байдлын дэглэм 1-р сарын 21-ний өдрийн 15 цаг хүртэл хүчинтэй байх болно гэдгийг Боузер мэдэгджээ.

Энэ өдөр Трампыг дэмжсэн иргэдийн жагсаал цуглаан нийслэл Вашингтон хотоос гадна Аризона, Висконсин, Вашингтон, Жоржия, Калифорни, Колорадо зэрэг нийт 10 гаруй мужид өрнөсөн юм.