АНУ-ын эрх баригчид хүн амаа вакцинжуулах ажлаа идэвхтэй явуулж байна. Цагаан ордны тэргүүн Жо Байдены мэдээлснээр Вашингтон ирэх 7-р сарын 4 буюу АНУ-ын Тусгаар тогтнолын баяраас өмнө хүн амынхаа насанд хүрсэн иргэдийн 70%-ийг вакцинжуулалтад бүрэн хамруулахаар төлөвлөжээ.

Энэтхэгт цар тахлын халдварын тохиолдол буурахгүй байна. Тэрбум 300 сая хүн амтай энэ улсад COVID-19 коронавирусний халдвар 20 саяд хүрч, нас барсан хүний тоо 219 мянга болжээ. Түүнчлэн сүүлийн 24 цагт шинээр 368 мянган тохиолдол бүртгэгдсэн байна.

Манай хойд хөрш ОХУ-д COVID-19 коронавирусний халдварын нөхцөл байдал сайжирч, иргэдээ вакцинжуулах ажлыг идэвхтэй зохион байгуулж байна. Өнөөдөр ОХУ-д нийт 13 сая иргэн цар тахлын эсрэг вакцины эхний тунгаа хийлгээд байгаа бол 9 сая хүн 1,2-р тунгаа хийлгэж, вакцинжуулалтад бүрэн хамрагджээ.