Испанийн хаан 6-р Филипп галт уул сэрж оргилон, байгалийн гамшигт үзэгдэл нүүрлээд байгаа Пальма арал дээр очиж гамшгийн нөхцөл байдалтай газар дээр нь танилцжээ. 

Оросын онцгой байдлын яам Хабаровск хотод осолдсон АН-26 онгоцны ослоор багийн 6 хүн бүгд амиа алдсан болохыг батлан мэдээлжээ.

Манай хойд хөршийн Пермь хотод их сургуулийн оюутны хотхон руу галт зэвсэг барин нэвтэрч, халдлага үйлдсэн балмад этгээдийн гарт амиа алдсан иргэдээ сүүлийн замд нь үдэж байна. Галт зэвсэг барин сургуулийн барилгад нэвтэрсэн этгээд 6 хүний аминд хүрч, 24 хүнийг шархдуулан улмаар хууль хүчнийхэнд саатуулагдсан юм.