“Токио-2020” Олимпийн наадмыг зохион байгуулах хорооны тэргүүн өөрийн болгоомжгүй хийсэн мэдэгдлийн төлөө албан ёсоор хүлцэл эржээ. Мори Ёширо саяхны нэгэн мэдэгдэлдээ эмэгтэйчүүдийг ялгаварлан гадуурхсан “зүй бус” үг хэлснийхээ төлөө хүлцэл эрсэн байна.

Мори Ёширо Олимпийн хорооны ээлжит уулзалтын үеэр: -Эмэгтэйчүүд хэт үглээ, жижиг сажиг зүйлд хэтэрхий их анхаарал хандуулж, илүү зүйл их ярьдаг учраас Олимпийн наадмын зохион байгуулах хорооны удирдах зөвлөлийн гишүүдийн тоог нэмэх шаардлагагүй гэсэн юм. Түүний энэ үг эмэгтэйчүүдийг ялгаварлан гадуурхсан өнгө аястай байсан учраас ихээхэн шүүмжлэлд өртжээ. Улмаар түүний эсрэг олон нийтийн зүгээс гомдол санал ирж, 83 настай Мори Ёширо өөрийн хэлсэн үгний төлөө албан ёсоор хүлцэл эрэхэд хүрсэн байна.

“Токио-2020” Олимпийн наадмыг зохион байгуулах хорооны зөвлөл 24 гишүүнтэйгээс 5 нь эмэгтэй гишүүд юм. Тэгвэл 2019 онд хорооны удирдах зөвлөлийн гишүүдийн тоо 40%-иар нэмэх зорилт тавьсныг Мори ийнхүү эсэргүүцэж, олон нийтийн зүгээс шүүмжлэлд өртсөн байна.