Номхон далай доорх галт уул дэлбэрсний улмаас Япон болон Америкийн зарим арлуудад цунами дэгдээд байна.

Тонгад болсон галт уулын дэлбэрэлтийн улмаас Япон Улс эрэг хавийнх нь нутгаар далайн хүчтэй давалгаа, цунами дэгдэж болзошгүй гэсэн анхааруулга сэрэмжлүүлэг гаргажээ. Японы эрх баригчид Номхон далайн эрэг дагуух бүс нутгийн иргэдээ анхааралтай байхыг сануулсан байна. 

Номхон далайн уснаа байрлах Тонга Улсад газар дорх галт уул сэрж оргилжээ. Хунга-Тонга-Хунга-Хаапай галт уул сэрж оргилсноос далайн түвшнээс дээш 20 км-ийн өндөрт үнс нурам цацагджээ.