Австралийн зүүн өмнөд эргийн нутгаар 6 магнитудын хүчтэй газар хөдлөлт болжээ. Газар хөдлөлтийн голомт Австралийн Мельбурн хотоос 180 км зайтай газарт, газрын 10 км-ийн гүнд байсан гэнэ. 

Иран улс Шанхайн хамтын ажиллагааны байгууллагын 9 дэх бүрэн эрхт гишүүн улс орноор элсчээ. Ираны ерөнхийлөгч Эбрахим Раиси Шанхайн хамтын ажиллагааны байгууллагыг тив дэлхий, бүс нутгийн хэмжээнд хамтын ажиллагааг эрх тэгш хөгжүүлж, харилцан итгэлцэл дээр тулгуурласан шударга харилцааг эрхэмлэгч, энхтайвныг цогцлоох зорилгоо нээх боломж олгогч байгууллага гэж үзэж байгаагаа илэрхийлжээ.

Энэтхэгийн Гужарат мужид явуулсан өргөн хүрээний тусгай ажиллагааны үеэр Афганистанаас ирсэн 3 тонн героин илрүүлэн хураан авчээ. Хууль бус ачааг Афганистанаас Ираны Бендер-Аббас боомтоор дамжуулан ирүүлснийг Энэтхэгийн татварын тагнуулын алба илрүүлсэн байна. Хууль бус барааны үнэлгээг 2,7 тэрбум доллар гэж тооцож байна.