Ковид-19

Шинэ Зеланд Улсад 1460 орчим иргэн коронавируст халдвар авснаас 19 нас барж, бусад нь эдгэрч, улсын хэмжээнд коронавируст халдвар төгсгөл үедээ ирсэн тухай тус улсын Ерөнхий сайд Яакинда Ардэрн “Манай улсад одоогоор халдвар тархахаа больсон” хэмээн өнгөрсөн Ням гарагт мэдэгджээ.

Тиймээс өнөөдрөөс энэ улсад боловсрол, эрүүл мэндийн байгууллагууд хөл хориог цуцалж эхэлж байгаа юм байна. Гэхдээ иргэдийг гэрээсээ шаардлагагүй тохиолдолд гарахгүй байх, хүн хоорондоо зайтай байх шаардлагыг цаашдаа ч мөн хэрэгжүүлэх шаардлагатайг анхааруулжээ. Ерөнхий сайд Яакинда Ардэрн мэдэгдэхдээ,

“Бид эдийн засгаа эргэн нээж байгаа ч иргэд олон нийтийн амьдралыг эргэн нээгээгүйг анхааруулмаар байна”

хэмээн онцолсон байна. Тус улсын Эрүүл Мэндийн сайд Ашлие Блүүмфилд ч мөн

“Бид хүссэн зорилгодоо хүрлээ. Гэхдээ одоогийн нөхцөл байдал нь цаашдаа ч мөн вирус тархахгүй гэсэн баталгаагүй юм”

гэдгийг анхааруулсан юм. Шинэ Зеланд улсад анх вирус тархсанаас хойш улсын хилээ хааж, далайн эрэг, тоглоомын талбай, сургуулиудын үйл ажиллагааг хаах зэрэг хөл хорио тогтоох арга хэмжээ авсан байна.