Топ мэдээнүүд

Grid List

Данийн нийслэл Копенгаген хотод ням гарагт олныг сэрдхийлгэсэн балмад явдал болж, томоохон худалдааны төвд буун дуу гарчээ. Копенгагены Фийлдс худалдааны төвд үл мэдэгдэх этгээд галт зэвсгээр гал нээж, улмаар орон нутгийн эрх баригчдынх нь мэдээлснээр 3 хүн амиа алдаж, хэд хэдэн хүн шархаджээ. Сүүлд тодорхой болсноор халдлагыг Данийн иргэн 22 настай эрэгтэй үйлдэж, түүний үйлдлийг санаатай халдлага болохыг үгүйсгэхгүй байна. 

Дэлхийн улс орнуудад газрын тосны томоохон үйлдвэрлэгчид хүчин чадлаа хязгаарлаж байгаагаас газрын тосны эрэлт нэмэгдэж байна.

Европын улс орнуудад Дэлхийн Цаг уурын байгууллагын олон жилийн тандалтаар 6-р сард цаг агаар огцом халж, аагим халуун нүүрлээд байна. Испани, Франц зэрэг оронд 6-р сард олон жилийн дунджаас бараг сарын өмнө хэт халуун цаг агаар тогтож, ойролцоогоор 10-аад градус илүү халжээ. Хэт халалтын улмаас ган гачиг, ойн түймэр, бусад байгалийн онц үзэгдэл нүүрлэж болзошгүй байна. 

6-р сарын 24-нд өдөр шөнө тэнцдэг өдрийг угтахаар Английн Стоунхежийг гадна дотноос олон зуун хүн зорьж байна. 

Ирландын иргэд улс оронд нь инфляцийн түвшин нэмэгдэж, өдрөөс өдөрт түлш шатахуун, хоол хүнс, өргөн хэрэглээний барааны үнэ нэмэгдэж байгааг эсэргүүцэж байна. Европын хамгийн өртөг өндөртэй улс орнуудын нэгт цахилгаан эрчим хүчний үнэ, орон сууцны түрээсийн үнэ нэмэгдсээр байгаа нь иргэдийн амьжиргааны түвшин буурахад хүргэж байгаа юм. 

Чилийн Барбара Эрнандес гэх эмэгтэй Номхон далай, Атлантын далайг гатлан сэлж Гиннесийн дээд амжилтыг эвджээ. Тэрээр хоёр хөлгүй их далайг холбодог Магелланы хоолойг туулан 5 мянган метр зам туулсан байна. 

Коронавируст халдварын дараа өнгөрсөн 5-р сард дэлхийн улс орнуудад бүртгэгдэж эхэлсэн сармагчны цэцэг өвчний тохиолдол мянга даваад байгаа талаар ДЭМБ-аас мэдээллээ.

Америкийн Нью Йорк мужийн Холбооны шүүгч Оросын тэрбумтан Роман Абрамовичийн эзэмшлийн хоёр нисэх онгоцыг хураах ордер гаргажээ. Америкийн хуульзүйн яамнаас гаргасан хүсэлтийн дагуу энэ шийдвэрийг гаргасан байна. 

Орос, Украины дайн тулаан, цар тахлын дараах эдийн засгийн сөрөг үр дагавар зэрэг хүчин зүйлээс шалтгаалан Европын улс орнуудад инфляцийн түвшин нэмэгдэж, санхүүгийн хямрал нүүрлэхэд ойрхон байгаа... Тэгвэл эдийн засгийн хямралтай холбоотойгоор ЕХ-ны улс орнуудад цалингийн доод хэмжээг тогтоохыг Европын институтууд санал болгож байна. 

Орос, Украины дайнаас шалтгаалан Барууны улс орнуудын зүгээс Москвагийн эсрэг тавьсан хориг арга хэмжээний улмаас Оросын автомашины зах зээл уналтад оржээ. Тухайлбал Европын Бизнесийн нийгэмлэгийн мэдээллээр өнгөрсөн 5-р сард шинэ автомашины худалдаа өнгөрсөн оны мөн үетэй харьцуулахад 83,5%-иар буурсан байна. 

НҮБ дахь ОХУ-ын байнгын төлөөлөгч Василий Небензя Аюулгүйн зөвлөлийн хуралдааны үеэр танхимыг орхин гарчээ. Тэрээр Европын Зөвлөлийн тэргүүн Шарль Мишелийг Аюулгүйн зөвлөлд хандан мэдэгдэл хийх үеэр түүний мэдэгдэл, байр суурийг эсэргүүцэн хуралдааны танхимыг орхисон байна. 

Иракийн шүүх Британийн иргэн Жим Фиттоныг улсынх нь нутаг дэвсгэрээс хууль бусаар, контрабандын аргаар эртний эд өлгийн зүйлс авч гарахыг завдсан хэргээр 15 жилийн хорих ял оноожээ. 

Украины зүүн хэсэгт дайн тулаан үргэлжилж байна. Орон нутгийн эрх баригчдынх нь мэдээлж байгаагаар Оросын цэргийнхэний халдлагад 20-иод хот суурин газар, тэр дундаа Северодонецк өртөн, хотод гудамжны тулаан үргэлжилсээр байна. 

Их Британийн хатан хаан 2-р Элизабетийн хаан сэнтийд заларсны 70 жилийн ой тохиож, Цагаан алтан ойн баяр эхэллээ. Өмнө нь Их Британийн түүхэнд хаан эзэд эрх ямбаа 70 жилийн турш эдэлж байсан тохиолдол байхгүй. Энэ том баярыг тохиолдуулан Британи даяар 200 мянга гаруй арга хэмжээ зохиогдох юм байна.

Их Британид хатан хаан 2-р Элизабетийн хаан ширээнд заларсны 70 жилийн ойд зориулсан арга хэмжээ эхэлж байна. Хатан хааны цагаан алтан ойд зориулсан арга хэмжээ 6-р сарын 2-5-ны өдрүүдэд үргэлжилнэ. Эдгээр өдрүүдийг Их Британи даяар бүх нийтийн амралтын өдөр болгон зарлажээ. 

Хорват улс ирэх 2023 оноос хойш Европын нэгдсэн мөнгөн тэмдэгт болох еврод нэгдэнэ. Энэ талаар Еврокомиссын тайланд дурьдаж, Хорват улс ЕХ-нд нэгдэх үйл явц ирэх 7-р сарын дундуур эцэслэн шийдэгдэнэ гэжээ.

Виржиниа мужийн шүүгчдийн бүрэлдэхүүн жүжигчин Амбер Херд-г экс нөхөр Жонни Дэпп-н нэр хүндэд халдсан (гүтгэсэн) гэсэн шийдвэр гаргалаа. Зургаан 7 хоног хуралдан олны анхаарлын төвд байсан энэ шүүх хурлаар оддын харилцааг олонд дэлгэсэн мэдүүлгүүд гарч байсан юм. 

Архи 10 нас, тамхи 5 нас хорогдуулна гэж ярьдаг... Тамхины хор хөнөөлтэй тэмцэх олон улсын өдрийг дэлхийн улс орнуудад 5-р сарын 31-нд тэмдэглэж, энэ өдөр чимээгүй тахал, чимээгүй үхэл гэдэг тамхины эсрэг тэмцдэг... Тэгвэл тамхигүй өдрийг угтан ДЭМБ-аас тамхины хор хөнөөл, тамхинаас болж үүсдэг өвчин зэргийн талаар сэтгэл сэртхийлгэм тоо баримтуудыг гарган танилцуулжээ.