Ковид-19

Дэлхийн ковид-19-ын халдвар бүртгэгдээгүй хэдхэн улсын нэг Тажикстан Улсад ковид-19-ын анхны тохиолдлууд бүртгэгджээ. Өчигдөр буюу 4-р сарын 30-нд 15 иргэн халдвар авсан нь бүртгэгдсэн тухай тус улсын эрх баригчид мэдээлжээ. Ингэснээр эрүүл мэндийн систем сул хөгжсөн, хуучин Зөвлөлтийн бүрэлдэхүүнд байсан улсуудаас хамгийн эдийн засаг тааруу Тажикстан улсад маш том хүндрэл учирч байна.

Тажикстаны Эрүүл мэндийн яамны мэдээлснээр нийслэл Душанбе хотод 5, хойд бүсийн Хужанд хотод 10 тохиолдол илэрчээ. Өвчтөнүүд хаана эмчлэгдэж байгаа, хэзээ хэрхэн илэрсэн тухай тодорхой мэдээлэл өгөөгүй юм байна. Ингээд төв Азийн Туркменстан Улс л ковид-19-ын тохиолдолгүй ганц улс болж байгаа юм. Халдвар дэлхий даяар тархаад 3 сар гаруй хугацаа болоход энэ улсад нэг ч ковид-19-ын тохиолдол бүртгэгдээгүй тухай хэвлэлүүд өвчлөлийг нууж байх магадлалтай гэж  үзэж байсан. Тажикстаны ойролцоох Казахстан, Киргизстан, Узбекстан улсад аль хэдийн өвчлөлийн хэдэн зуун мянган тохиолдлууд бүртгэгдсээр байна.