Ковид-19

АНУ-д сүүлийн 24 цагийн дотор 50,203 шинэ халдварын тохиолдол батлагдсан тухай коронавируст халдварын тохиолдлын тоон үзүүлэлтийг мэдээлж байгаа Жонс Хопкинсийн Их сургуулиас мэдээллээ. Энэ нь халдвар дэгдсэнээс хойш нэг өдөрт бүртгэгдсэн хамгийн их халдварын тохиолдол болж байна.

Эрх баригчдын зүгээс оношлуурын тоог нэмэгдүүлбэл өдөрт нэмэгдэх халдварын тоо одоогийн үзүүлэлтээс хэд дахин их болох магадлалтайг ч мөн сануулсан юм. Ердөө хоёр өдрийн өмнө АНУ-ын Харшил, халдварт өвчин судлалын үндэсний хүрээлэнгийн захирал Антони Фаучи

“Энэ байдлаараа үргэлжилбэл АНУ-д нэг өдөрт 100 мянган шинэ халдварын тохиолдол бүртгэгдэг болох тооцоотой байна”

хэмээн мэдээлсэн. Одоогийн байдлаар АНУ-д нийт батлагдсан халдварын тохиолдол 2,779,953, нас баралт 130,798 , идэвхтэй 1,484,475 халдварын тохиолдол эмчлэгдэж байна.