Ковид-19

Өчигдөр гурван лабораторид нийт 709 хүний сорьцыг шинжлэхэд 708 хүний шинжилгээнд коронавирус илрээгүй байна. Харин Алтанбулаг боомтоор орж ирсэн ачаа тээврийн нэг жолоочийн шинжилгээнд коронавирус илэрчээ.

Халдварт өвчин судлалын үндэсний төвийн вирус судлалын лаборатори, Дархан-Уул аймгийн салбарт лабораториудад нийт 709 хүнээс сорьц авч шинжилжээ. Нэг хүнээс вирус илэрснийг өнөөдөр ХӨСҮТ-өөс мэдээллээ. Халдвар авсан иргэн 39 настай Казахстан улсын иргэн байна. Ачаа тээврийн жолооч тэрээр Сэлэнгэ аймгийн Алтанбулагийн боомтоор нэвтэрсэн байна.

Ингэснээр нийт батлагдсан тохиолдлын тоо 288 болж байгаа юм. Эдгээрээс 217 нь эдгэрчээ.  Эмчлүүлж байгаа 71 хүний биеийн байдлыг үнэлбэл, 62 нь хөнгөн, 9 нь хүндэвтэр байгаа юм байна. 

ФЭЙСБҮҮК ШУУД ҮЗЭХ