Эдийн засаг

Монгол Улсад газрын тос боловсруулах үйлдвэр барих төсөлд 236 сая ам.долларын нэмэлт санхүүжилт олгох хөнгөлөлттэй зээлийн хэлэлцээрийн гэрээнд Монгол Улсын Засгийн газрыг төлөөлж Сангийн сайд Ч.Хүрэлбаатар, Бүгд найрамдах Энэтхэг улсын Эксим банкыг төлөөлж тус банкны Ерөнхий захирал Сри Сараож Күнтиа нар гарын үсэн өнөөдөр зурлаа.

Газрын тос боловсруулах үйлдвэр 2023 онд ашиглалтад орсноор дотооддоо евро стандартын АИ92, 95, ,98 дизель болон онгоцны түлш үйлдвэрлэхээр зорьж байгаа юм. Анхны техник эдийн засгийн үндэслэлээр АИ 92 шатахууны үйлдвэрээс гарах үнэ 900 төгрөг байхаар тооцсон.  Харин техник эдийн засгийн үндэслэлийг шинэчлэн боловсруулж  236 сая долларын санхүүжилт нэмэлтээр татаж байгаатай холбоотой үйлдвэрээс гарах бүтээгдэхүүний үнэ бага зэрэг өснө гэлээ. Гэхдээ нэгж үнийг 1000-1200 төгрөгт барина гэдгийг салбарын сайд хэлж байгаа юм.  Үүнээс гадна үйлдвэр ашиглалтад орж Монголчууд дотооддоо шатахуунаа үйлдвэрлэдэг болоход газрын тосны нөөц хамгаас чухал. Өнөөдрийн батлагдсан нөөцөөр 2039 он хүртэл бүтээгдэхүүн үйлдвэрлэх боломжтой тул цаашид нөөцийн судалгаа хийх хэрэгтэйг хэллээ.    

Газрын тос боловсруулах үйлдвэрийн бүтээн байгуулалтад нийт 1 тэрбум 236 сая доллар шаардлагатай гэх тооцоо гарсан. Эхний ээлжинд энэтхэг улсын эксим банкнаас нэг тэрбум ам долларын санхүүжилт татсан. Харин өнөөдөр нэмэлтээр 236 сая долларын санхүүжилтийн зээлийн хэлэлцээрт гарын үсэг зурлаа

Улсын эдийн засаг иргэдийн амьдралтай шууд хамааралтай шатахууныг дотооддоо үйлдвэрлэхийг Монголчууд хорь гаран жил ярьсан. Энэ засгийн газар олон жил цаасан дээр байсан үйлдвэрийг ажил болгож байгаа ч хэсэг популистуудын явуургүй арга үйл ажиллагаанд саад учруулж байгааг салбарын сайд онцоллоо.