Эдийн засаг

Манай улс олон улсын санхүүгийн эрсдлийн эсрэг ФАТФ байгууллагын саарал жагсаалтад багтсан гэдэг мэдээлэл гарч эхэллээ. Улсын их хурлын гишүүд ч энэ мэдээллийг үгүйсгэхгүй байна. Терроризм, мөнгө угааж байж болзошгүй улсууд саарал жагсаалтад багтдаг дүрэмтэй. Хэрвээ Их хурлын гишүүдийн ярьж байгаа үнэн бол Монгол Улсын эдийн засаг дэлхийгээс таслагдах эрсдэл ойрхон ирээд байна.

Мөнгө угаах гэмт хэргийн эсрэг тэмцдэг олон улсын байгууллага буюу ФАТФ-ын ээлжит хуралдаан Парис хотноо эдгээр өдрүүдэд болж байгаа. Тус хуралдаанаар манай улсад мөнгө угаалт байгаа эсэхийг хэлэлцэж эрсдэлт орнуудыг багтаадаг санхүүгийн саарал жагсаалтад оруулах эсэхийг шийднэ. Гэвч өнөөдөр УИХ-ын зарим гишүүд болоод цахим сүлжээнд манай улсыг саарал жагсаалтад багтаасан гэх мэдээллийг цацсан. Харин энэ асуудалд Сангийн сайд дараах тайлбарыг өгч байна.

Манай улсыг саарал жагсаалтад оруулах үндсэн дөрвөн шалтгаан бий.  Үүнээс хамгийн их асуудал үүсгэсэн нь арилжааны банкуудын хөрөнгийн эх үүсвэр тодорхойгүй шалтгаанаар нэмэгдэж хэрхэн нэмэгдүүлснээ тайлагнаж чадаагүйн дээр Худалдаа хөгжил, Голомт тэргүүтэй томоохон банкууд олон улсын байгууллагад шалгуулахаас эрс татгалзсаныг эх сурвалжууд хэллээ. Тиймээс манай улсад монополь байдлыг тогтоосон дээрх банкуудыг хөрөнгийн эх үүсвэрээ мөнгө угаах замаар нэмэгдүүлсэн байх магадлалтай гэж олон улсын байгууллага үзсэн байгаа юм.

Дараах томоохон шалтгаан нь 2015 онд батласан ил тодын хуулиар 34 их наяд төгрөг буюу улсын ДНБ-ээс хэт давсан мөнгө хаанаас гарч хэрхэн эргэлтэд орсон нь тогтоогдоогүй байхад өршөөлийн хуулиар дээрх мөнгийг хэрэгсэхгүй болгосныг мөнгө угаалтын хэлбэр гэж олон улсын байгууллага үзсэн байна. Дээрх асуудлуудаас үүдэлтэй саарал жагсаалтад орох магадлал өндөр гэдгийг эх сурвалжууд хэлж байгаа юм. Хэрэв орсон тохиолдолд дараах эрсдэл үүснэ.

Олон улсын байгууллагын өчигдрийн хуралдаанаар санхүүгийн саарал жагсаалтад манай улсыг багтаалаа гэх мэдээллийг зарим гишүүд хэлэхээс гадна цахим орчинд цацах болсон. Харин эцсийн шийд одоогоор гараагүйн дээр манай улсыг саарал жагсаалтад багтаасан тохиолдолд ФАТФ албан ёсоор зарлана гэдгийг Төв банкнаас мэдэгдлээ. Хэрэв саарал жагсаалтад орсон тохиолдолд нэн даруй гарах арга хэмжээг авч ажиллана гэдгийг Сангийн сайд хэллээ. Хамгийн ихдээ зургаан сарын дотор саарал жагсаалтаас гарах арга хэмжээ авна гэдгийг хэлж байсан юм.